Kali chočacca čaho-niebudź zabaronienaha: chatnija nahietsy RECEPT
Časam vielmi chočacca zabycca na ŭsie praviły zdarovaj ježy i pajeści čahości zabaronienaha z fast-fud restaracyj. Kožny raz, kali źjaŭlajecca takoje žadańnie, ja daju sabie chvilinu supakoicca i padumać, ci mahu ja sama zrabić štości nastolki ž smačnaje, ale bolš karysnaje. I hetym razam ja vyrašyła zrabić chatnija nahietsy — sakavitaje kurynaje file ŭ paniroŭcy.
My budziem rabić cikavuju paniroŭku — z aŭsianych šmatkoŭ. Ale nichto nie abmiažoŭvaje vašu fantaziju: smačna atrymajecca jak i sa zvyčajnymi paniravalnymi sucharami, tak i ź cikavymi paniroŭkami z kukuruznych šmatkoŭ ci salonych pałačak i abarankaŭ.
Nam spatrebicca:
- 2 file z hrudki;
- 200 hr. naturalnaha johurtu;
- 2 zubčyki časnyku;
- sol, śpiecyi.
Spačatku marynujem file. Kurycu narazajem kavałačkami šyrynioj prykładna 2 sm. Časnyk drobna narazajem i źmiešvajem ź johurtam, dadajom sol i śpiecyi (naprykład, sumieś sušanych traŭ). Kavałački kurycy abmazvajem marynadam i pakidajem minimum na 2 hadziny (ja pakidała na usiu noč).
Na paniravańnie:
- 150 hr. aŭsianych šmatkoŭ;
- 2 č. ł. papryki;
- 1 č. ł. parašku kary;
- sol, pierac.
Aŭsianyja šmatki źmiešvajem z sollu i śpiecyjami. Kavałački kurycy akuratna abvalvajem u paniroŭcy i vykładajem na zmazanuju alejem blachu ci na pierhamient.
Zapiakajem kavałački kurycy prykładna 35 chvilin pry 180 hradusach. Praz chvilin 20 lepiej pieraviarnuć kavałki, kab paniravańnie z abodvuch bakoŭ było chrustkaje.
Na sous:
- 200 hr. naturalnaha johurtu;
- 1 zubčyk časnyku;
- 1 č. ł. limonnaha soku;
- 50 hr. syru;
- sol, pierac.
Lepš za usio padavać nahietsy z prostym johurtnym sousam. Časnyk drobna narazajem, syr trom na tarcy. Usie inhredyjenty źmiešvajem ź johurtam. Smačna jeści!
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym5
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary