I voś u takich vypadkach mianie ratuje recept mafinaŭ: pradukty tut nieskładanyja, a hatujucca jany vielmi chutka. Idealny pierakus!
Nam spatrebicca:
- 220 mł małaka;
- 3 st. ł. śmiatany ci naturalnaha johurtu;
- 4 st. ł. aleju;
- 1 jajka;
- 260 hr. muki;
- 1,5 č. ł. razrychlalniku;
- 0,5 č. ł. soli;
- mołaty pierac;
Dla načyńnia:
- 140 hr. syru;
- 5 halinak piatruški;
- 2 zubčyki časnaku;
- 6 pamidorak čery.
Hrejem duchoŭku da 180 hradusaŭ. Formački dla mafinaŭ trochi šmarujem alejem.
Syr nacirajem na tarcy, piatrušku i časnok drobna narazajem. Možna vykarystać inšuju zielaninu ci skarystać suchija travy. Pamidorki režam na pałovy (pamidorki tut iduć jak nieabiaviazkovy dadatak, možna zrabić bieź ich ci, naprykład, zamianić na kavałki syru ci šynki).
Małako źmiešvajem sa śmiatanaj, alejem i jajkam. U sumieś dadajom prasiejanuju muku, razrychlalnik, sol i pierac. Usio dobra pieramiešvajem i dadajom načynku: syr ź zielaninaj i časnakom. Znoŭku miašajem.
Vykładajem sumieś u formački dla mafinaŭ. Majcie na ŭvazie, što jany vyrastuć, tak što vykładajcie z hetym raźlikam (u mianie atrymałasia 12 štuk).
Źvierchu trochi «topim» u ciesta pamidorku.
Vypiakajem u duchoŭcy 20—25 chvilin. Jeści možna i haračymi, i chałodnymi. Chaj vam budzie smačna!
