TBŠ pavinšavaŭ biełaruskamoŭnych nastaŭnikaŭ z Kaladami
Uračystyja vinšavańni z Kaladami i Novym hodam ad imia Tavarystva biełaruskaj škoły, ahulnanacyjanalnaj kampanii «Budźma» i šerahu hramadskich arhanizacyj atrymali siońnia nastaŭniki biełaruskamoŭnaj siaredniaj škoły № 60 i himnazii №14.
Pavinšavać nastaŭnikaŭ sa śviatami pryjechali staršynia TBŠ Aleś Łozka i jaho namieśnica Tamara Mackievič.
Kožnaja škoła atrymała ŭ padarunak nabor mietadyčnaj, mastackaj i histaryčnaj litaratury, dyski, biełaruskija suvieniry. Lepšyja nastaŭniki byli asabista ŭznaharodžanyja hanarovymi dypłomami TBŠ za ŭniosak ŭ raźvićcio biełaruskamoŭnaha navučańnia i admysłovymi nastaŭnickimi kubkami ad sajta Nastaunik.info. Akramia taho, jany atrymali padarunki ad ahulnanacyjanalnaj kampanii «Budźma!»
«Ideja kaladnaha vinšavańnia ŭźnikła niekalki miesiacaŭ tamu. My chacieli choć krychu ŭźniać nastroj našym nastaŭnikam, zamučanym biaskoncymi reformami i pravierkami, a taksama nahadać, što isnujuć arhanizacyi, jakija stvoranyja nie dla taho, kab kantralavać nastaŭnika, a kab dapamahać jamu,» — zaznačyła Tamara Mackievič.
Aleś Łozka dadaŭ, što ŭ bližejšy čas płanujecca naviedać usie biełaruskamoŭnyja škoły i sadki Minsku.
Da farmavańnia padarunkaŭ škołam dałučylisia hramadskaje abjadnańnie «Centr Supolnaść», Zhurtavańnie biełarusaŭ śvietu «Baćkaŭščyna», kampanija «Budźma» i abjadnańnie baćkoŭ ź Biełastoččyny «AB‑BA».
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia3
Kamientary