58-hadovaha Siarhieja Pranoviča sudziać za atrymańnie chabaraŭ i machlarstva. Rasśledavańnie vioŭ KDB, tam pryjšli da vysnovy: šeść hadoŭ jon zajmaŭsia paborami — usiaho amal 178 vypadkaŭ na ahulnuju sumu prykładna 78 tysiač rubloŭ, piša Tut.by
Prakuror na pracesie try hadziny začytvała, jak hrošy jamu nasili kožny miesiac: tancavalny kłub — dziela arendy pamiaškańniaŭ pad mierapryjemstvy, a jašče arhanizatary vystaŭ sabak i katoŭ, kancertaŭ zamiežnych vykanaŭcaŭ, pradstaŭniki najbujniejšych vystavačnych kampanij Biełarusi, navat manaški - i prosiać płoščy pad kaladny fiestyval.
«500 rubloŭ, 500 rubloŭ, 500 rubloŭ, 500 rubloŭ, 500 rubloŭ, 500 rubloŭ, 500 rubloŭ, 500 rubloŭ, 500 rubloŭ, 500 rubloŭ, 500 rubloŭ, 500 rubloŭ, 500 rubloŭ …» — i tak bolš 60 razoŭ pieraličvała dziaržabvinavaŭca Alena Krupienina hrošy tolki ad adnaho z mnohich chabaradavalnikaŭ.
Hod tamu, kali vyjaviłasia sprava, aburyŭsia i Alaksandr Łukašenka: «Dajšło da taho, što pryjšli manaški śviečki pradać, jon da ich začapiŭsia. Nie vieru, što ministar pra heta nie viedaŭ ». I nieŭzabavie ministra sportu i turyzmu Alaksandra Šamko pazbavili pasady.
Prysud budzie vyniesieny 29 sakavika.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary