Za pasadu premjer-ministra Vialikabrytanii buduć zmahacca čatyry kandydaty. Ab hetym piša hazieta Financial Times.
Paśla adstaŭki Terezy Mej hałoŭnymi kandydatami na pasadu, vierahodna, buduć čatyry palityki. U ich liku nazyvajucca były ministr zamiežnych spraŭ Barys Džonsan, ciapierašni kiraŭnik MZS Džeremi Chant, eks-ministr pa pytańni Brexit Daminik Raab i ministr navakolnaha asiarodździa, charčavańnia i sielskaj haspadarki Majkł Hoŭv.
Paviedamlajecca, što apošniaha padtrymlivajuć členy parłamienckaj frakcyi kansiervataraŭ, jakija vystupajuć za prahmatyčny padychod da adnosinaŭ z kantynientalnaj Jeŭropaj paśla vychadu ź Jeŭrasajuza. Na dumku bukmiekieraŭ, najbolšy šaniec na pieramohu — u Hoŭva. Chant ž ličycca kandydaturaj bolš ŭmieranaha kryła partyi.
Kamientary