U Minsku byli zakrytyja aŭtobusny i čyhunačny vakzały, a taksama najbujniejšyja handlovyja centry — «Halilea» i «Zamak».
Naviednikaŭ paprasili terminova vyjści z budynkaŭ, na ŭvachodach źjavilisia milicyjanty i vajskoŭcy. Pryjechali vyratavalniki.
«Pa elektronnaj pošcie pastupiła paviedamleńnie ab niebiaśpiecy», — patłumačyła pradstaŭnika Śledčaha kamiteta Julija Hančarova.
U 16:00 paśla pravierki budynki pačali adnaŭlać pracu. «Halilea» ŭžo pracuje.
Śledčy kamitet nahadvaje, što ekstrannyja słužby zatračvajuć niamała času i srodkaŭ na pravierku takich paviedamleńniaŭ pra niebiaśpieku. Paśla na plečy abvinavačanaha kładziecca i kryminalnaja, i materyjalnaja adkaznaść.
«A 13:00 u apieratyŭna-dziažurnuju słužbu pastupiła paviedamleńnie ab zaminiravańni HC «Zamak», «Halilea» i čyhunačnaha vakzału. Supracoŭnikami milicyi pryniatyja miery pa evakuacyi hramadzian, uzmocnienyja miery biaśpieki, u tym liku na prylehłaj terytoryi. Na miescach pracujuć sapiorna-piratechničnyja hrupy», — paviedamiła HUUS Minska.
Daviedkavaja słužba Minskaha čyhunačnaha vakzała ŭ kamientary Tut.by pryniesła prabačeńni za niazručnaści, dastaŭlenyja pasažyram, i paviedamiła, što ciahniki praciahvali chadzić pa hrafiku, a pasažyraŭ supravadžali da vahonaŭ supracoŭniki čyhunki.
— Alena Chomienkova (@73Ptichka) 31 marta 2019 h.
Čytajcie taksama: Śledčy kamitet raspavioŭ, jakoje pakarańnie pahražaje iłžeminioru handlovych centraŭ i vakzała ŭ Minsku
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary