Bił i Boła, Charłančuk i Chitryk viartajucca! Vychodzić aŭdyjakniha pavodle kłasiki šviedskaj dziciačaj litaratury
2 krasavika Sajuz biełaruskich piśmieńnikaŭ prezientavaŭ svoj novy prajekt — dysk «Supierkniha pra Biła z Bołaj»: jak i aŭdyjaknihi pra Petsana i Findusa, ahučyli jaho aktory Pavieł Charłančuk i śpiavačka Hanna Chitryk.
Dla najviadomiejšaj knihi Huniły Berhstrem Hanna Chitryk zapisała i admysłovaje muzyčnaje supravadžeńnie. Pradakšn-mieniedžarkaj i pradziusarkaj zapisu vystupiła pierakładčyca i vydaviec Nadzieja Kandrusievič.
U chłopčyka Biła źjaŭlajecca maleńkaja siastryčka Boła — nahoda dla radaści, viesiałości i honaru. Ale čas idzie, i pastupova siamja pačynaje razumieć, što jana zusim nie razmaŭlaje. Kniha ŭ vieršavanaj formie raspaviadaje pra žyćcio maleńkaj dziaŭčynki, jakaja nikoli nie budzie jak usie. Pra źviazanyja z hetym radaść i hora, nadzieju i rospač. Pra toje, nakolki my hatovyja žyć pobač z tymi, chto nie padobny da nas. Ale najpierš hetaja kniha pra luboŭ i zdolnaść prymać.
«Supierknihu pra Biła z Bołaju» Huniły Berhstrem padradkova pierakłali na biełaruskuju movu Nadzieja Kandrusievič i Alesia Bašarymava, a biełaruski paet Andrej Chadanovič zrabiŭ tak, kab pierakład zahučaŭ napoŭnicu — emacyjna i kranalna.
U 2017 hodzie kniha dla dziaciej pabačyła śviet u sieryi «Kalarovy rovar» Sajuza biełaruskich piśmieńnikaŭ u vydaviectvie «Knihazbor».
Aŭtarka knihi — šviedskaja piśmieńnica Huniła Berhstrem. Z 1971 hoda jana napisała kala 40 dziciačych knih, jakija sama i prailustravała. Jana pisała historyju Biła i Boły sa svajoj ułasnaj siamji: u jaje dvoje dziaciej, a ŭ małodšaj dački aŭtyzm.
Knihi pra Biła i Bołu — kłasika šviedskaj litaratury, jany šyroka čytajucca ŭ kaledžach i navučalnych ustanovach. Pavodle ich źniatyja animacyjnyja filmy i zroblenyja teatralnyja pastanoŭki. A ŭ 2012 hodzie na knižnym kirmašy ŭ Hioteborhu Hunile Berhstrem uručyli załaty miedal «za novy padychod u napisańni i afarmleńni dziciačaj knihi ź biezdakornym adčuvańniem dziciačaha śvietapohladu».
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary