Žychary Rasii i Ukrainy vyjhrali b ad uviadzieńnia ahulnaha dla dźviuch krain hramadzianstva, zajaviŭ prezident Rasii Uładzimir Pucin, piša RBK.
«Ja šmat razoŭ kazaŭ, što ŭkraincy i ruskija — brackija narody i navat bolš za toje. Ja ŭvohule liču, što heta adzin narod… i kali ŭ nas budzie ahulnaje hramadzianstva, ad hetaha tolki vyjhrajuć i ruskija, i ŭkraincy», — skazaŭ rasijski lidar, kamientujučy słovy abranaha prezidenta Ukrainy Uładzimira Zialenskaha ab hatoŭnaści davać ukrainskaje hramadzianstva rasijanam.
«Heta śviedčyć ab tym, što my damovimsia, napeŭna, tamu što ŭ nas jość šmat ahulnaha», — ličyć prezident Rasii. Z ahulnym hramadzianstvam abiedźvie krainy stanuć macniejšymi i bolš paśpiachovymi.
24 krasavika Pucin padpisaŭ ukaz, jaki spraščaje nadańnie hramadzianstva Rasii žycharam asobnych rajonaŭ Danieckaj i Łuhanskaj abłaściej, to bok samaabvieščanych DNR i ŁNR. 27 krasavika jon zajaviŭ, što ŭłady Rasii razhladajuć mahčymaść raspaŭsiudzić ukaz i na astatnich hramadzian Ukrainy.
Pucin hatovy razdać rasijskija pašparty ŭsim achvotnym hramadzianam Ukrainy
«Spačatku budzie Sud»: Uładzimir Zialenski rezka adkazaŭ Pucinu nakont jaho apošnich inicyjatyŭ
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary