Prablemy ź vienami ciapier vyrašajucca litaralna za hadzinu — jak pracuje novaja technałohija KŁaKs
Doktar miedycynskaha centra «Konfidens» Pavieł Ładyhin kaža, što ŭ sasudzistaha doktara-flebołaha pracy šmat i zimoj, i ŭletku. Kali raniej apieracyi na vienach rabili ŭ peŭny siezon, to siońnia, dziakujučy novaj technałohii ClaCs (KŁaKs), ich pravodziać u luby čas. Zajmaje takaja pracedura litaralna abiedzienny pierapynak.
«U našym miedycynskim centry dla abśledavańnia pacyjentaŭ, jakija źviartajucca z varykoznaj chvarobaj, vykarystoŭvajecca ultrahukavaja dyjahnostyka vien, jakaja pravodzicca niepasredna doktaram-flebołaham na pryjomie. Nie treba papiarednie zdavać nijakija analizy. Prosta na pryjomie doktar aceńvaje ryzyku raźvićcia zachvorvańnia, vyjaŭlaje ŭčastki vianoznaj sistemy, jakija zakranuła chvaroba, analizuje anatamičnyja ŭzajemaadnosiny pamiž hłybokaj i paviarchoŭnaj vianoznaj sistemaj i padbiraje aptymalny mietad lačeńnia indyvidualna dla kožnaha pacyjenta, — raskazvaje Pavieł Ładyhin. — Dla pravilnaj pastanoŭki dyjahnazu nieabchodny ahlad pad UHD-kantrolem, tamu što na pieršych stadyjach zachvorvańnia mnohich pacyjentaŭ turbuje vyklučna estetyčny dyskamfort, ludzi zaŭvažajuć tolki kaśmietyčnyja niedachopy. Adnak kali flebołah nie ahledzić na UHD vianoznuju sistemu, jon moža prapuścić patałohiju stvałavych vien. Tady lačeńnie budzie niedastatkovym, i varykoznaja chvaroba zmoža prahresavać. Kab na pryjom da flebołaha čałavieka nie pryvodziŭ bol, treba ŭvažliva stavicca da svajho zdaroŭja i źviartać uvahu navat na niaznačnyja źmieny ŭ vienach».
Źviartacca pa kansultacyi, abśledavańnie i lačeńnie, kali niepakoić zdaroŭje vien, ciapier možna ŭ lubuju paru hoda. U sučasnaj flebałohii siezonnych abmiežavańniaŭ jak praviła nie isnuje.
«Adzinaje, pacyjent sam vyrašaje, ci zhadžacca na apieracyju letam. Bo niekatoryja vidy apieratyŭnaha ŭmiašańnia patrabujuć u dalejšym našeńnia kampresijnaha trykatažu. Praz heta ludzi časta prymajuć rašeńnie pieranieści apieracyju na bolš chałodny pieryjad hoda, kab pazbavić siabie ad niazručnaściaŭ», — udakładniaje doktar.
Da ŭsiesiezonnych mietadaŭ lačeńnia, u zaležnaści ad stadyi zachvorvańnia, možna adnieści:
- lekavuju terapiju varykoznaj chvaroby — prymianieńnie vienaaktyŭnych preparataŭ,
- praceduru KŁaKs — heta spałučeńnie łaziera i skleraterapii pad uździejańniem choładu,
- endavienoznuju łaziernuju kaahulacyju vien (EVŁK).
Čamu ž usio čaściej dla lačeńnia varykozu pacyjenty abirajuć mietad KŁaKs?
«Hetaja pracedura adnosna novaja, u miedycynskim centry «Konfidens» jana vykarystoŭvajecca ad 2017 hoda. Asablivaść pracedury ŭ tym, što jana pravodzicca pad uździejańniem choładu. Učastak cieła, u jaki adbyvajecca ŭmiašańnie, achałodžvajecca — heta ratuje skuru ad apiokaŭ. Pry hetym značna źmianšajecca bol padčas samoj apieracyi. Niekatoryja pacyjenty naturalna zasynajuć, nastolki kamfortna jana pieranosicca. Pry hetym nijakaje dadatkovaje abiazbolvańnie nie patrabujecca, — tłumačyć doktar-flebołah. — Pracedura KŁaKs pravodzicca ŭ vypadku lačeńnia sasudzistych zoračak, źmienienych unutryskurnych i pavierchnievych padskurnych vien małoha dyjamietra, bačnych niaŭzbrojenym vokam. Važna toje, što technałohija dazvalaje nie nasić kampresijny trykataž, tamu vydaleńnie sasudzistaj sietki nie pryniasie dyskamfort navat letam».
Varykoznaja chvaroba, udakładniaje flebołah, — heta stan chraničny, tamu pieryjadyčna adbyvajecca abvastreńnie. Kali nie zajmacca lačeńniem, to mohuć raźvicca takija ŭskładnieńni, jak trombaflebit, aciok, paciamnieńnie skury halonak až da źjaŭleńnia trafičnych jazvaŭ, što vielmi surjozna ŭskładniajuć žyćcio. Tamu pry źjaŭleńni simptomaŭ varykoznaj chvaroby treba jak maha chutčej naviedać doktara-flebołoha. Varykoz — zachvorvańnie, jakoje samo pa sabie nie projdzie.
I ni ŭ jakim razie nielha hrebavać mietadami prafiłaktyki dla papiaredžańnia raźvićcia varykoznaj chvaroby.
U pieršuju čarhu, raić doktar-flebołah, nieabchodna paźbiahać abstavin, jakija vyklikajuć zastoj kryvi ŭ nižnich kaniečnaściach.
«Parady vielmi prostyja, ale dziejsnyja. Čaściej mianiajcie pozu, asabliva pry doŭhim siadzieńni ci stajańni, nie zakidvajcie adnu nahu na druhuju, štodnia rabicie piešyja prahułki na śviežym pavietry, na praciahu dnia pieryjadyčna vykonvajcie zhinańnie i razhinańnie stupniaŭ», — kaža Pavieł Ładyhin.
Akramia hetaha:
- vykonvajcie režym pracy i adpačynku,
- vybirajcie svabodnuju zručnuju vopratku, nasicie abutak na nievysokim abcasie,
- rehularna rabicie lačebnuju himnastyku i masaž halonak — źnizu ŭvierch,
- kali chočacie zaniacca sportam, to addajcie pieravahu płavańniu,
- sačycie za vahoj i charčavańniem, užyvajcie pradukty ź vialikim utrymańniem klatčatki, picie dastatkova vady,
- prymajcie kantrasny duš.
I abaviazkova pry źjaŭleńni pieršych prykmiet zachvorvańnia, navat samych maleńkich zoračak, źviarniciesia da śpiecyjalistaŭ.
Kamientary