Kniharnia «Akademičnaja kniha» (pr.Niezaležnaści, 72).
«Akademkniha» prapanuje knihi pryśviečanyja hałoŭnaj technahiennaj katastrofie XX stahodździa, avaryi na Čarnobylskaj AES.
Mastacka-navukovy albom «Čarnobyl»
Aŭtary: Dzianis Ramaniuk, Ihar Byšnioŭ, Anatol Klaščuk. Układalnik i mastak: Dzianis Ramaniuk.
U asnovu alboma lahli aryhinalnyja vyniki daśledavańniaŭ, praviedzienych aŭtarami za niekalki hadoŭ, a taksama najbolš važnaja i cikavaja infarmacyja pra avaryju na Čarnobylskaj AES.
Albom atrymaŭ «Hran-pry» III Maskoŭskaha mižnarodnaha konkursu «Mastactva knihi — 2006», hanarovy znak Biełaruskaha sajuza dyzajnieraŭ «Najlepšaje vydańnie ŭ halinie dyzajnu za 2006 hod», «Załaty falijant» pieramožcy Nacyjanalnaha konkursu «Mastactva knihi — 2007» u naminacyi «Za ŭvasableńnie navatarskaj idei», «Załaty falijant» pieramožcy Nacyjanalnaha konkursu «Mastactva knihi — 2008» u naminacyi «Najlepšy fotamastak».
Śviatłana Aleksijevič «Čarnobylskaja malitva»
«Čarnobylskaja malitva» — čaćviortaja kniha chroniki «Hałasy Utopii», pryśviečanaja hałoŭnaj technahiennaj katastrofie XX stahodździa. Kniha havoryć hałasami našych suajčyńnikaŭ — likvidataraŭ i ich svajakoŭ, žurnalistaŭ i navukoŭcaŭ, nastaŭnikaŭ i žycharoŭ paleskich viosak.
Dakumientalna-mastackaja chronika «Hałasy Utopii» — piać knih, stvoranych biełaruskaj łaŭreatkaj Nobieleŭskaj premii, u jakich «maleńki čałaviek» sam apaviadaje pra svoj los. Heta admietny žanr — šmathałosyja ramany-spoviedzi, u jakich z małych padziejaŭ składvajecca vialikaja historyja.
Pierad čytačom — apošniaja aŭtarskaja redakcyja cykła ŭ najnoŭšym biełaruskim pierakładzie. Piśmieńnica pavodle svajho tvorčaha mietadu dapracavała chroniku: skasavała cenzurnyja praŭki, dałučyła novyja epizody, a taksama staronki z ułasnaha dziońnika.
Čarnobylskaja avaryja i hramadstva: 30 hod paśla katastrofy
Pad redakcyjaj A. F. Smalenčuka.
U materyjałach zbornika pradstaŭleny analiz sacyjalnych nastupstvaŭ avaryi na ČAES. Daśledčyki ź Biełarusi, ZŠA, Japonii, Hiermanii, Ukrainy, Kanady, Połyščy i Finlandyi pradstaŭlajuć vyniki daśledavańniaŭ stanu zdaroŭja pierasialencaŭ i «likvidataraŭ» u Biełarusi i Ukrainie, raspaviadajuć pra zmahańnie navukoŭcaŭ i miedykaŭ z suśvietnym «jadziernym łobi», analizujuć źmieny tradycyjnaj kultury ŭ pierasialencaŭ z Čarnobylskaj zony dy inš. Taksama publikujucca daśledavańni vusnaj historyi Čarnobylskaj katastrofy va Ukrainie i Biełarusi, jakija dazvalajuć zrazumieć čałaviečaje vymiareńnie hetaj trahiedyi.
Kniha adrasavanaja historykam, sacyjołaham, miedykam i ŭsim, kaho cikaviać prablemy nastupstvaŭ Čarnobylskaj avaryi i radyjacyjnaha zabrudžvańnia.
Michaś Bašłakoŭ, Michaś Barzdyka. Pałyn.Čarnobyl: Paetyčna-hrafičny dyjałoh
Aŭtary praz vyjaŭlenča-vobraznyja srodki hrafiki i paezii raspaviadajuć ab najbujniejšaj technahiennaj katastrofie XX stahodździa. Słovy Iaana Bahasłova pra zorku Pałyn lejtmatyvam prachodziać praz knihu, źnitoŭvajučy jaje strukturu i źmiest.
Michaś Bašłakoŭ byŭ udzielnikam likvidacyi vynikaŭ avaryi na ČAES.
Eduard Zbaroŭski «Čarnobylskija panteony: sny i javy»
Kniha abhruntoŭvaje pierakanańnie aŭtara ŭ tym, što katastrofa na ČAES - śviedčańnie sacyjalna-humanitarnych nastupstvaŭ ery technakratyčnaj cyvilizacyi.
Valer Sańko «Źviniać žaŭruki ŭ Čarnobylskim niebie»
U mastackim ramanie havorycca ab pryčynach vybuchu na ČAES, likvidatarskich i pierasialenskich prablemach. Asnoŭnaje miesca žyćcia i dziejańniaŭ hierojaŭ - Homielščyna. Mastacki tekst dapoŭnieny cytatami z dakumientaŭ, archivaŭ, navukovaj litaratury. Dla masavaha čytača.
Nabyć hetyja dy inšyja novyja vydańni i biestsielery, možna ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary