«Dyłda», Cimaci i džaz — kudy minčuki mohuć pajści ŭ apošnija vychadnyja červienia
1. «Dyłda»
Našumieły film pra žyćcio dźviuch maładych dziaŭčat, jakija viarnulisia z frontu ŭ paślavajenny Leninhrad u kancy 1945 hoda. Hetaja historyja pra toje, jak usie sprabujuć zdabyć novaje mirnaje žyćcio, kali vakoł, i, hałoŭnaje, usiaredzinie — ruiny.
Źniaŭ film Kantamir Bałahaŭ — 27-hadovy režysior z Kabardzina-Bałkaryi. Na stvareńnie stužki jaho natchniła kniha Śviatłany Aleksijevič «U vajny nie žanočaje abličča».
«Paśla hetaj knihi ja zrazumieŭ, nakolki paviarchoŭnymi byli maje ŭjaŭleńni pra vajnu i nakolki ja navat nie padazravaŭ pra rolu žančyny na vajnie. I, zychodziačy z hetaha, mnie stała vielmi cikava, što moža adbycca z žančynaj paśla vajny, dzie, pa sutnaści, adbyvajecca jaje pryrodnaje zrušeńnie», — raspaviadaje režysior.
Pahladzieć stužku možna budzie ŭ «Centralnym», Falcon Club Bucik Kino i velcom cinema ŭ «Dana Moł».
| Kali? | 29 červienia (subota) 12:00 («Centralny»), 12:30, 16:25, 21:25 (Falcon Club Bucik Kino), 18:35, 21:40, 23:30 (velcom cinema).
|
| 30 červienia (niadziela) 21:30 («Centralny»), 16:00, 17:00, 21:05 (Falcon Club Bucik Kino), 18:35, 20:20 (velcom cinema). |
Kolki: 6.00 — 30.00 BYN (tańniej, viadoma, u «Centralnym»)
Nabyć kvitki možna na kino.bycard.by (kali vy žadajecie pajści ŭ «Centralny» abo Falcon Club Bucik Kino) i na sajcie silverscreen.by (kali vy pojdziecie ŭ velcom cinema).
2. «Historyja cacak — 4»
Dla tych, chto choča adpačyć ź dzietkami (ci prosta ŭspomnić dziacinstva), my možam paraić naviedać mulcik-lehiendu «Historyja cacak — 4».
U novaj častcy astranaŭt Baz, kaŭboj Vudzi, pios Ślinki, tyranazaŭr Reks i ŭsia kamanda cacak znoŭ razam, i jany jak nikoli hatovyja da pryhod. Z tych časoŭ, jak Endzi pastupiŭ u kaledž, cacki pasialilisia ŭ domie svajoj novaj haspadyni Boni, jakaja voś-voś pojdzie ŭ dziciačy sadok. Pieršy dzień u dziciačym sadku daść pačatak šerahu padziej, dzie znojdziecca miesca i padarožžam z pahoniami, i znajomstvu z novymi cackami, i sustrečam ź niekatorymi starymi siabrami, i navat ramantyčnaj historyi.
Pahladzieć mulcik raim u Art-kinateatry «Tytan»: jakasnaja karcinka i huk, sučasnaje abstalavańnie i kvitki pa pryjemnym košcie. A nabyć ich vy možacie praz našu Afišu.
| Kali? | 29 červienia (subota) 10:45, 15:00, 16:45
|
| 30 červienia (niadziela) 10:45, 15:00, 16:45 |
Kolki: 6.00 — 7.50 BYN. Nabyć možna tut — Afisha.nn.by.
3. Džazavyja viečary
Kožnuju subotu da 6 lipienia minčukoŭ zaprašajuć u Vierchni horad pasłuchać džaz. Na hety raz dla nas vystupić Mahnus Lindhren — talenavity saksafanist sa Šviecyi. Jon uvieś čas pašyraje svaje muzyčnyja miežy. Mahnus z adnolkavym natchnieńniem supracoŭničaje jak z vybitnymi muzykami, tak i ź nievialikimi džazavymi kalektyvami, źmiešvaje džaz i kłasiku, ekśpierymientuje sa šviedskim falkłoram, brazilskaj sambaj i tradycyjnaj afrykanskaj muzykaj.
Kali: 29 červienia (subota) 20:30 — 23:00
Kolki: biaspłatna
4. Biaspłatny vystup Cimaci
U subotu na fiestyvalnaj zonie II Jeŭrapiejskich hulniaŭ kala Pałaca sportu biełarusy zmohuć pabačyć i pasłuchać zorku rasijskaj estrady Cimaci. Biaspłatna. Tut jon vykanaje svaje samyja papularnyja chity. Pačatak a 20:00.
Kali: 29 červienia (subota), 20:00
Kolki: biaspłatna
5. Vandroŭki ŭ minułaje
I tradycyjna zaprašajem vas na Vandroŭki. Unikalny adukacyjna-sacyjalny prajekt, jaki dapamoža vam ubačyć Minsk pa-inšamu. U hetyja vychadnyja arhanizatary zaprašajuć prahulacca pa samych roznych kutočkach našaj stalicy. Što vas čakaje, možna pahladzieć na našaj Afišy.
Udzieł u Vandroŭkach biaspłatny, ale vy možacie dapamahčy raźvićciu prajekta, pakinuŭšy stolki hrošaj, kolki zachočacie.
| Kali? | 29 červienia (subota): 14:00, 16:30, 19:00 |
| 30 červienia (niadziela): 14:00, 16:30, 19:00 |
Dzie: sustrečy na roznych łakacyjach Minska
Kolki: možacie achviaravać stolki, kolki zachočacie
Kamientary