«Miedsiastroj-tranśviestytam» na pinskaj sustrečy Statkieviča vyjaviŭsia błohier z Samary
U palityčny dajdžest za 25 lipienia trapiła navina ab dziŭnym pierformansie ŭ Pinsku, dzie Mikoła Statkievič pravodziŭ sustreču sa svaimi prychilnikami — pieraapranuty ŭ miedsiastru čałaviek pravakavaŭ udzielnikaŭ sustrečy na hrubaść i sprabavaŭ «lačyć» ich hłoham.
Čytajcie: Mužčyna ŭ paryku, pieraapranuty ŭ miedsiastru, sprabavaŭ sarvać sustreču Statkieviča ŭ Pinsku
Što ž za tranśviestyt pryjšoŭ na sustreču? Heta 30-hadovy rasijski błohier Jaŭhien Jurjeŭ. Jon rodam z Samary.
Ličby prahladaŭ videa Jurjeva na jutubie śviedčać pra marhinalny charaktar tvorčaści, małacikavy aŭdytoryi — pa 100-200 prahladaŭ. Časam byvajuć i «pośpiechi» — pa 700-800 prahladaŭ.
Jurjeŭ pieryjadyčna pryjazdžaje ŭ Biełaruś, padpracoŭvaje tut roznarabočym, ab čym raskazvaje na tym ža kanale, krytykujučy małyja zarobki i staličnyja ceny.
Cikavaść da biełaruskaj palityčnaj apazicyi tłumačycca prosta: praz rezkija acenki biełaruskaha žyćcia vypadkovyja hledačy jahonych videa ŭ daścipnych farmuloŭkach raili Jurjevu viartacca ŭ Samaru, kali tut jamu nie padabajecca.
Toj ža paličyŭ takija parady «rusafobijaj», uviazaŭ ich z «uździejańniem na rozumy» apazicyi i stvaryŭ virtualnaje alter-eha ŭ vyhladzie «doktara-psichijatra»: Jurjeŭ uklučaje kamieru, nadziavaje žanočy paryk, biare ŭ ruku papiarovy špryc z nasadkaj u formie fałasa i pačynaje havaryć sama sabie — spačatku ad imia «doktara», potym ad imia, naprykład, błohiera Piatruchina.
Jurjeŭ pry hetym śćviardžaje, što zvarjacieŭ chtości inšy, a nie jon sam.
Paśla takich videa navat ludzi, jakija nie padzialajuć pohlady biełaruskaj apazicyi, pišuć rasijaninu niehatyŭnyja kamientary. Jany miarkujuć, što takija roliki raspalvajuć mižnacyjanalnuju varažnieču.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary