«Медсястрой-трансвестытам» на пінскай сустрэчы Статкевіча выявіўся блогер з Самары
У палітычны дайджэст за 25 ліпеня трапіла навіна аб дзіўным перформансе ў Пінску, дзе Мікола Статкевіч праводзіў сустрэчу са сваімі прыхільнікамі — пераапрануты ў медсястру чалавек правакаваў удзельнікаў сустрэчы на грубасць і спрабаваў «лячыць» іх глогам.
Чытайце: Мужчына ў парыку, пераапрануты ў медсястру, спрабаваў сарваць сустрэчу Статкевіча ў Пінску
Што ж за трансвестыт прыйшоў на сустрэчу? Гэта 30-гадовы расійскі блогер Яўген Юр'еў. Ён родам з Самары.
Лічбы праглядаў відэа Юр'ева на ютубе сведчаць пра маргінальны характар творчасці, малацікавы аўдыторыі — па 100-200 праглядаў. Часам бываюць і «поспехі» — па 700-800 праглядаў.
Юр'еў перыядычна прыязджае ў Беларусь, падпрацоўвае тут рознарабочым, аб чым расказвае на тым жа канале, крытыкуючы малыя заробкі і сталічныя цэны.
Цікавасць да беларускай палітычнай апазіцыі тлумачыцца проста: праз рэзкія ацэнкі беларускага жыцця выпадковыя гледачы ягоных відэа ў дасціпных фармулёўках раілі Юр'еву вяртацца ў Самару, калі тут яму не падабаецца.
Той жа палічыў такія парады «русафобіяй», увязаў іх з «уздзеяннем на розумы» апазіцыі і стварыў віртуальнае альтэр-эга ў выглядзе «доктара-псіхіятра»: Юр'еў уключае камеру, надзявае жаночы парык, бярэ ў руку папяровы шпрыц з насадкай у форме фаласа і пачынае гаварыць сама сабе — спачатку ад імя «доктара», потым ад імя, напрыклад, блогера Пятрухіна.
Юр'еў пры гэтым сцвярджае, што звар'яцеў хтосьці іншы, а не ён сам.
Пасля такіх відэа нават людзі, якія не падзяляюць погляды беларускай апазіцыі, пішуць расіяніну негатыўныя каментары. Яны мяркуюць, што такія ролікі распальваюць міжнацыянальную варажнечу.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары