Piep Hvardyjoła pra situacyju vakoł Katałonii: My nie spynim zmahacca
Hałoŭny trenier «Mančester Sici» Chasep Hvardyjoła vystupiŭ z zajavaj paśla vyniasieńnia prysudaŭ 12 katałonskim palitykam, abvinavačanym u arhanizacyi refierendumu ab niezaležnaści ŭ 2017 hodzie. Nahadajem, što ŭ paniadziełak było abvieščana, što Viarchoŭny sud Ispanii prysudziŭ katałonskich sieparatystaŭ da surjoznych terminaŭ pazbaŭleńnia voli — ad 9 da 13 hadoŭ.
«Svajoj pastanovaj Viarchoŭny sud Ispanii arhanizavaŭ pramuju ataku na pravy čałavieka, u tym liku prava na svabodu schodaŭ i demanstracyjaŭ, prava na svabodu samavyjaŭleńnia i prava na spraviadlivy sud.
Heta nieprymalna ŭ Jeŭropie XXI stahodździa. Ispanija stanovicca aŭtarytarnaj dziaržavaj, jakaja vykarystoŭvaje antyterarystyčnyja zakony dla taho, kab nazyvać niazhodnych złačyncami. I navat dla pieraśledu mastakoŭ, jakija patrabujuć svabody samavyjaŭleńnia.
Ludzi, asudžanyja siońnia, pradstaŭlajuć bolšaść palityčnych partyj i najbolš važnyja hramadskija struktury ŭ Katałonii. Ni ŭ koha z členaŭ ispanskaha ŭrada nie chapiła śmiełaści dla taho, kab vyrašyć hety kanflikt praz dyjałoh i pavahu. Jany vybrali represii ŭ jakaści adzinaha adkazu.
Z boku Ispanii heta nie ksienafobija abo ehaizm. Ułady prosta vykarystoŭvajuć siłu, kab abmiežavać raznastajnaść.
My nie spynim zmahacca, pakul represii nie buduć spynienyja i nie budzie vykanana naša prava na samavyznačeńnie, jak heta było zroblena ŭ Šatłandyi i Kviebieku.
My patrabujem demakratyčnaha rašeńnia ad urada Ispanii. Čaho my prosim?
Ispanija, davajcie siadziem i pahavorym. My prosim mižnarodnuju supolnaść akazać cisk na ich ŭrady, kab jany ŭmiašalisia ŭ hety kanflikt i znajšli palityčnyja i demakratyčnyja rašeńni», — skazaŭ Hvardyjoła
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym13
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary