U Jeŭrasajuzie asudzili śmiarotny prysud zabojcu dziaŭčynki ŭ Łunincy
Pres-sakratarka ŭ zamiežnych spravach i palitycy biaśpieki Jeŭrasajuza Maja Kačyjančyč apublikavała zajavu adnosna čarhovaha śmiarotnaha prysudu ŭ Biełarusi, pieradaje Radyjo Svaboda.
Jeŭrasajuz, piša Maja Kačyjančyč, vykazvaje ščyryja spačuvańni ŭsim, chto paciarpieŭ ad złačynstva, ale vystupaje suprać najvyšejšaj miery pakarańnia pry lubych abstavinach.
«Najvyšejšaja miera pakarańnia — heta niehumannaje i nieefektyŭnaje pakarańnie, jakoje nie dziejničaje jak strymlivajučy faktar, — tłumačyć jana. — Maratoryj na rasstreły ŭ Biełarusi stanie stanoŭčym pieršym krokam da skasavańnia śmiarotnaha pakarańnia ŭ krainie.
Takim čynam Biełaruś dałučycca da ŭsio bolšaj kolkaści krainaŭ, jakija vykaranili śmiarotnaje pakarańnie albo ŭ zakonie, albo faktyčna, a za apošnija 10 hadoŭ u 160 krainach śvietu nie było rasstrełaŭ».
Nahadajem, pavodle rašeńnia Bresckaha abłasnoha suda, pryniataha 25 kastryčnika, zabojca vaśmimiesiačnaj dziaŭčynki ŭ Łunincy byŭ prysudžany da rasstrełu.
Trahiedyja adbyłasia ŭ rajonnym centry hod tamu. Uviečary 27 kastryčnika 2018 hoda baćka dziaŭčynki viarnuŭsia dadomu i znajšoŭ trup dački. U hety čas u kvatery znachodzilisia 25-hadovaja maci dziciaci Natalla i jaje 47-hadovy znajomy Viktar. Aboje byli pjanyja. Ekśpiertyza vyjaviła ŭ maci 1,6 pramile etyłavaha śpirtu ŭ kryvi, u mužčyny — 1,2.
Cieła dziaŭčynki było biez hałavy.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary