Zatrymanaha ŭ Kurapatach kandydata ŭ deputaty adpuścili ź milicyi
Na Źmitra Kazakieviča skłali pratakoły pavodle artykułaŭ administracyjnaha kodeksu za chulihanstva i niepadparadkavańnie supracoŭnikam milicyi, piša radyjo «Svaboda».
Taksama vyzvaleny niepaŭnaletni Iłaryjon Trusaŭ. Na svajoj staroncy ŭ Fejsbuk jon paviedamiŭ, što zatrymanych taptali nahami ŭ milicejskim mikraaŭtobusie.
Jašče čaćviora zatrymanych zastajucca pad vartaj.
Napad na ŭdzielnikaŭ kurapackaj varty adbyŭsia ŭviečary 3 listapada paśla taho, jak kandydat u deputaty Źmicier Kazakievič pasprabavaŭ patrapić da vybarnikaŭ, parazmaŭlać ź imi na terytoryi restaracyi «Pajedziem pajadzim». Kali pačałasia tuzanina, vyklikali milicyju. Byli zatrymanyja aktyvisty Źmicier Kazakievič, Maksim i Dzianis Urbanovičy, Vital Tryhubaŭ, Valer Rabcaŭ, Iłaryjon Trusaŭ.
Kamientary