Беларусь і Расія працягваюць працу над узгадненнем дарожных карт паглыбленай інтэграцыі і паралельна вырашаюць праблему цэн на энерганосьбіты ў 2020 годзе, расказаў пасол Беларусі ў Расіі Уладзімір Сямашка, паведамляе Tut.by.
— Прэзідэнты дамовіліся, што мэты заяўлены грандыёзныя і яны не павінны змяняцца. Гэта пераход на ўніфікаванае падатковае заканадаўства, стварэнне адзіных рынкаў нафты, газу і электраэнергіі, стварыць адзіны парламент і ўрад з пэўнымі паўнамоцтвамі, калі незалежныя Расія і Беларусь аддаюць наверх пэўныя кіруючыя функцыі з абавязковым выкананнем. Такая задача зараз вырашаецца.
Сямашка распавёў, што з 31 падрыхтаванай дарожнай карты паглыбленай інтэграцыі 20 карт «абсалютна ўзгодненыя» па выніках нядаўняй сустрэчы прэм'ер-міністраў дзвюх краін. Да 7 снежня, адзначыў пасол, застаецца тыдзень, трэба «знайсці кансэнсус, кампраміс, каб мінімізаваць разыходжанні».
— Над гэтым і працуем. А далей апошняе слова будзе за прэзідэнтамі краін. Перакананы, задачы будуць вырашаны, — адзначыў Сямашка.
Ён растлумачыў, што ў дарожных картах прапісана стварэнне адзіных рынкаў да 2021 года, але яшчэ трэба пражыць цэлы год, 2020-ы, мець пэўную цану на газ, вырашыць праблему кампенсацыі падатковага манеўру.
Працяг: Беларускае пасольства ў Расіі: Словы Сямашкі пра агульны парламент і ўрад вырваныя з кантэксту
Апытанка
Побач з Лукашэнкам на хакеі з'явілася новая прыгажуня10
Каментары