U centry Kijeva pry abstrele Range Rover zabili trochhadovaha syna deputata
Zdareńnie adbyłosia ŭ niadzielu, 1 śniežnia, la restarana «Marya» na skryžavańni vulic Lva Tałstoha i Tarasaŭskaj. Dzicia pamierła ŭ karecie chutkaj dapamohi pa darozie ŭ dziciačuju balnicu, piša kp.ua.
Dziaŭčyna pa imieni Ivana raspaviała žurnalistam, što bačyła, jak karžakavaty mužčyna ŭ čornym siadaŭ u lehkavuju mašynu la restarana. Paśla hetaha kiroŭca ŭsiedarožnika, deputat Viačasłaŭ Sobaleŭ, vybieh na vulicu ź dziciem na rukach.
— Baćka vybieh z mašyny ź dziciem na rukach. Dzicia kryčała, što jamu baluča, baćka kryčaŭ: «Vyklikajcie chutkuju».
Potym jany pabiehli da «Marya», maci kryčała, pryjechała chutkaja. Ja nie bačyła momantu strełu, ja bačyła tolki jak čałaviek sieŭ u mašynu i jana adjechała, — raspaviała dziaŭčyna.
Śviedka adznačyła, što mužčyna byŭ nie ŭ mascy. Zbroi, jak i momantu strełu, dziaŭčyna nie bačyła
Ctralali pa bakavym piarednim škle usiedarožnika. Stralali ŭ mašynu 47-hadovaha biznesoŭca i deputata Kijeŭskaha abłasnoha savieta ad Błoka Piatra Parašenki Viačasłava Sobaleva. Jamu i naležyć restaran «Marya».
Sobaleŭ — uradženiec Jenakijeva Danieckaj vobłaści. U 1997 hodzie adkryŭ pieršy mahazin «Abžora», a paśla arhanizavaŭ adnajmiennuju handlovuju sietku. Sobaleŭ — baćka piaciarych dziaciej, u 2016 hodzie ŭ ich z žonkaj Inaj naradziŭsia małodšy syn.
Sobaleva abvinavačvali ŭ tym, što sietka «Abžora» pracuje na terytoryi tak zvanych «ŁDNR», adnak deputat zajaviŭ, što pradaŭ jaje jašče ŭ 2007 hodzie. Taksama jon admaŭlaŭ najaŭnaść rasijskaha pašparta.
Kamientary