Urad Ukrainy spraściŭ atrymańnie hramadzianstva dla tych, chto vajavaŭ na Danbasie
Urad Ukrainy pryniaŭ rašeńnie, jakoje dazvolić spraścić pracedury atrymańnia hramadzianstva krainy zamiežnikami, jakija vajavali na Danbasie suprać sił h.zv. DNR i ŁNR, piša RBK
«My zaćvierdzili miechanizm atrymańnia imi dazvołu na prava žycharstva va Ukrainie, što źjaŭlajecca pieršym krokam dla atrymańnia hramadzianstva», — patłumačyŭ pryniataje rašeńnie na svajoj staroncy ŭ tvitary premjer-ministr Ukrainy Alaksiej Hančaruk.
U adpaviednaści z zakanadaŭstvam Ukrainy dla atrymańnia jaje hramadzianstva pa zvyčajnaj pracedury nieabchodna paćvierdzić fakt zakonnaha pražyvańnia na terytoryi krainy na praciahu piaci hadoŭ.
U siaredzinie śniežnia kiraŭnik ukrainskaj Dziaržaŭnaj mihracyjnaj słužby (DMS) Maksim Sakaluk paviedamiŭ, što ŭłady krainy pryniali rašeńnie ŭzakonić dvajnoje hramadzianstva, bo zacikaŭleny ŭ pavieličeńni nasielnictva za košt mihrantaŭ.
«Źmiena budzie ŭ tym, što my nie budziem patrabavać vychadu ź inšaha hramadzianstva dla atrymańnia ŭkrainskaha pašparta», — rastłumačyŭ čynoŭnik.
Heta, adnak, nie zakranie hramadzian Rasii, jakuju va Ukrainie nazyvajuć krainaj-ahresaram.
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca4
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1010
Kamientary