«jaki nibyta sprabuje ŭzvažyć usio abjektyŭna, a heta vyhladaje jak apraŭdańnie represij».
Papularnyja biełaruskija błohiery tonkacheva i nescerka padniali ŭ svaich dziońnikach temu dziejnaści staršyni Biełaruskaha Chielsinskaha kamitetu Aleha Hułaka.
Błohierka tonkacheva raskazvaje pra vypadak, jaki zdaryŭsia na pryjomie z pryčyny pryjezdu delehacyi PARIE ŭ Minsk, dzie adbyłasia razmova z «kaleham pa pravaabarončaj dziejnaści, zaprošany dla ŭdziełu ŭ hramadskaj radzie pry Administracyi prezidenta». Majecca na ŭvazie staršynia BCHK Aleh Hułak.
Surazmoŭca tonkacheva‑j pačaŭ havaryć pra toje, što «my nazirajem palapšeńnie. Patrabavańni Jeŭrasajuzu tak ci inakš vykonvajucca. U adnosinach akcyj pavodziny ŭładaŭ stali mienš brutalnymi». Na pytańni pra akcyi moładzi 14 i 16 lutaha pravaabaronca adkazaŭ, što «14‑ha tolki vyciskali z Płoščy. I ŭvohule, patrebna razabracca navošta hetyja akcyi byli arhanizavanyja, mahčyma, jakraz da pryjezdu jeŭrapiejskich delehacyj».
Nescerka taksama pryvodzić prykład, što na svaje vušy čuŭ, jak na Radzie jeŭrapiejskaj intehracyi Aleh Hułak vykazvaŭsia nakont taho, što zatrymańnie Arcioma Dubskaha całkam adpaviadaje normam zakonu. Prysutnym pryjšłosia nahadać, što na chimiju jaho zaciahnuli pa naklopie i, značyć, niezakonny prysud jurydyčna nikčemny.
Hułak «nibyta sprabuje ŭzvažyć usio abjektyŭna, a heta vyhladaje jak apraŭdańnie represij. Heta tak i vyhladaje — što BCHK pačynaje dziejničać u ramkach niejkaha padspudnaha kantraktu z uładami, jakaja dazvalaje vam isnavać u krainie lehalna», — padvodzić vynik nescerka.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja113
Kamientary