Techničnaja dakumientacyja pa raspracavanym u SSSR i nie dabudavanym ciažkim atamnym avijanoscy «Uljanaŭsk» budzie vykarystoŭvacca pry stvareńni pieršaha rasijskaha avijanosca, piša tass.ru.
«Techničny prajekt, a taksama dakumientacyja, pa jakoj na Čarnamorskim sudnabudaŭničym zavodzie ŭ Mikałajevie viałasia ŭ kancy 80-ch i pačatku 90-ch hadoŭ minułaha stahodździa pabudova «Uljanaŭska», buduć vykarystanyja pry stvareńni novaha avijanosca», — skazaŭ surazmoŭca ahienctva. Jon taksama paviedamiŭ, što budzie ŭličany dośvied praktyčnaj ekspłuatacyi avijanosnaha krejsiera «Admirał Kuźniacoŭ».
U toj ža čas krynica adznačyła, što Vajenna-marski fłot jašče nie vydaŭ taktyka-techničnaje zadańnie (TTZ) na novy avijanosiec. Praca nad TTZ pavinna zaviaršycca ŭ 2020 hodzie.
U VMF Rasii raniej zajaŭlali, što płanujuć atrymać avijanosiec z atamnaj enierhietyčnaj ustanoŭkaj da kanca 2030 hoda. Ciapier u składzie rasijskaha fłotu majecca adzin nieatamny avijanosny krejsier «Admirał Kuźniacoŭ» (spuščany na vadu ŭ 1985 hodzie, ciapier na ramoncie).
Ciažki atamny avijanosiec prajekta 1143.7 «Uljanaŭsk» płanavałasia zdać fłotu ŭ 1995 hodzie. «Uljanaŭsk» pavinien byŭ mieć daŭžyniu 324 mietry, vodaźmiaščeńnie amal 80 tys. ton. Jon pavinien byŭ nieści na borcie 70 samalotaŭ i viertalotaŭ. Budaŭnictva avijanosca spyniłasia z razvałam SSSR, korpus karabla byŭ razabrany na mietał.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary