«Pieravysili słužbovyja abaviazki, idzie razhlad». U homielskaj himnazii nastaŭnica źbiła treciakłaśnika — jamu nakładali švy
U redakcyju «Mocnych navin» Homiela pryjšoŭ list, jaki paviedamlaje pra zdareńnie ŭ himnazii № 71: «Nastaŭnica pačatkovych kłasaŭ (kłasnaja kiraŭnica adnaho z trecich kłasaŭ) źbiła dzicia, jano trapiła ŭ balnicu, nakładali švy. Baćki napisali zajavu, u himnazii byŭ Śledčy kamitet.
Nastaŭnica i raniej prykładvała ruku da dziaciej. Minuły jaje vypusk znakamity tym, što baćki pisali ananimku dyrektaru pra jaje piedahahičnyja podźvihi. Z baćkami pravodzili schod, ale pa vyniku nastaŭnicy tak ničoha i nie było». U liście taksama paviedamlajecca, što hetaja nastaŭnica ŭ minułym byccam by ŭdaryła adnaho z chłopčykaŭ naściennym hadzińnikam.
Adznačym, što redakcyi «Mocnych navin» viadomyja imia i proźvišča nastaŭnicy, adnak u redakcyi ličać niemetazhodnym publikavać ich da źjaŭleńnia aficyjnych vynikaŭ pravierki.
Dla paćviardžeńnia atrymanaj infarmacyi karespandent źviazaŭsia z administracyjaj himnazii №71. Dyrektar navučalnaj ustanovy Iryna Cimašyšyna, jakaja pracuje na hetaj pasadzie niadaŭna, ciažka ŭzdychnuła u słuchaŭku:
— Nastaŭnik pačatkovych kłasaŭ pieravysiła słužbovyja abaviazki. U ciapierašni čas Śledčy kamitet pravodzić raźbiralnictva.
Paviedamlać padrabiaznaści zdareńnia dyrektar admoviłasia. Skazała tolki, što hetaja nastaŭnica ź vialikim piedahahičnym stažam raniej spahnańniaŭ nie mieła i skarhaŭ ad baćkoŭ na jaje nie pastupała. Ciapier dadzienaja nastaŭnica znachodzicca na balničnym. Na sajcie himnazii №71 raźmieščana infarmacyja ab tym, što pa vynikach 2016—2017 navučalnaha hoda hetaja nastaŭnica pryznana ŭ himnazii «Nastaŭnikam hoda», pakolki jaje vučni atrymali piać dypłomaŭ na pradmietnych alimpijadach i konkursach.
U pres-słužbie Śledčaha kamiteta RB «Mocnym navinam» paviedamili, što ciapier heta sprava ŭžo ŭ SK nie razhladajecca, abviarhać infarmacyju nie stali, ale i padrabiaznaściaŭ nijakich nie paviedamili. Pres-słužba UUS Homielskaha abłvykankama nijak dadzienuju situacyju nie kamientuje.
Atrymać kamientary ŭ kaho-niebudź z baćkoŭ vučniaŭ taksama nie atrymałasia: šmat chto «nie pad zapis» kazaŭ, što nie žadaje potym padviarhacca «hanieńniu», jak baćki i sam vučań 4-a kłasa SŠ №15 u chodzie i paśla skandału, fihurantam jakoha stała znakamitaja zaraz «nastaŭnica z partaj».
Nastaŭnica, zvolnienaja i adnoŭlenaja ŭ Homieli, užo na pracy: «Vy bačycie na maim tvary ŭśmiešku?..» A dyrektarka płača
Hanna Sieviaryniec: Ahresija jak śviedčańnie biezdapamožnaści. Pra nastaŭnic z partami ŭ rukach
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary