Studentaŭ, što viartajucca z Kitaja, na 14 dzion izalujuć pad Radaškavičami
Jak paviedamili ŭ Ministerstvie achovy zdaroŭja, heta zroblena dla dadatkovaj prafiłaktyki i z ulikam pažadańniaŭ navučencaŭ, jakija nie vyjazdžali ŭ Kitaj. U łahiery BDU «Bryhancina» dadatkova vydzialać miescy dla moładzi, jakaja pryjeździe ŭ Biełaruś z tych abłaściej Kitaja, jakija nie zakryty na karancin i dzie nie zarehistravany vypadki zachvorvańnia.
«Razmova idzie pra dadatkovyja miery dla studentaŭ, jakija nie byli ŭ kantakcie z chvorymi i nie naviedvali epidemična-niebiaśpiečnyja rajony», — adznačajuć u viedamstvie.
Prymać na ŭmoŭny karancin u «Bryhancinu» buduć ad siońnia i nie tolki navučencaŭ z BDU, ale i ź inšych univiersitetaŭ, udakładniła «Našaj Nivie» pres-sakratarka ministerstva Julija Baradun.
Ciapier u «Bryhancinu» nakiravany śpiecyjalisty. Tam usio padrychtavana, kab navučency mahli pravieści 14 dzion. Miedycynskija supracoŭniki, jakija buduć pracavać u łahiery, prajšli dadatkovuju padrychtoŭku.
Studenty, što pryjeduć z Kitaja, buduć navučacca ŭ «Bryhancinie» pa indyvidualnaj formie ŭ anłajn-režymie. Takija ž miery biaśpieki ŭviedzieny va ŭsich abłaściach krainy, dzie navučajucca studenty z Kitaja.
Pa dadzienych ministerstva, u nas navučajecca kala 5 tysiač kitajskich studentaŭ. Na kanikuły za miežy Biełarusi vyjechali 920 čałaviek.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary