CRU i niamieckaja raźviedka mieli dostup da sakretnaj infarmacyi bolš za 100 krain
Centralnaje raźviedvalnaje ŭpraŭleńnie ZŠA było tajnym uładalnikam kampanii, jakaja rabiła šyfravalnyja pryłady i linii suviazi dla raźviedvalnych ahienctvaŭ pa ŭsim śviecie. I ŭ supracoŭnictvie ź niamieckaj raźviedkaj sačyła, jak zamiežnyja ŭrady, u tym liku siabroŭskija, mižvoli raskryvali svaje sakrety.
Adkryćcio, apisanaje ŭ dakładzie CRU jak «raźviedvalny pieravarot stahodździa», było ŭpieršyniu pradstaŭlena ŭ sumiesnym rasśledavańni haziety Washington Post i niamieckaha viaščalnika ZDF.
Kampanija Crypto AG była daminujučym vytvorcam šyfravalnych pryład z časoŭ Druhoj suśvietnaj vajny da pačatku XXI stahodździa.
Isnavała taksama sakretnaje sumiesnaje partniorstva pamiž CRU i zachodniehiermanskaj raźviedkaj, jakoje było viadoma pad kodavymi nazvami «Tezaŭrus» i «Rubikon».
«Zamiežnyja ŭrady płacili dobryja hrošy ZŠA i Zachodniaj Hiermanii za mahčymaść čytańnia ich samych sakretnych paviedamleńniaŭ pa mienšaj miery dźviuma zamiežnymi krainami» — havorycca ŭ dakładzie CRU.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk49
Kamientary