Papularnaść Mierkiel mocna vyrasła. Niemcy acanili jaje dziejańni padčas pandemii karanavirusa
Padtrymka chryścijanskich demakrataŭ vyrasła na 12% ciaham trochi bolš čym adnaho miesiaca.
Takija vyniki manitorynhu hramadskaj dumki sacyjałahičnaj słužbaj INSA.
Kali b vybary adbyvalisia siońnia, za błok kanclerki Anhieły Mierkiel prahałasavali b 38% vybarcaŭ.
U zialonych — 18% padtrymki. U sacyjał-demakrataŭ — 16%. Libierały majuć 5,5%.
Padtrymka dźviuch partyj na krajach palityčnaha śpiektru, pravaj «Alternatyvy dla Niamieččyny» i krajnie levaj Linke (abiedźvium simpatyzuje Maskva, bo abiedźvie vystupajuć suprać jeŭraintehracyi), apuściłasia da 10 i 7% adpaviedna.
Tak, niemcy vysoka acanili razvažlivy padychod da pandemii karanavirusa, vypracavany ŭradam na čale z Anhiełaj Mierkiel.
Niamieččyna ŭviała abmiežavalnyja miery adnoj ź pieršych. Pry hetym jany byli vielmi racyjanalnyja. Jak prykład, niemcy admovilisia ad pravierki biletaŭ u hramadskim transparcie, kab kanduktary nie stali vypadkovymi raznosčykami infiekcyi. U krainie byli spynienyja spartovyja i zabaŭlalnyja mierapryjemstvy, dziaciej pieraviali na dystancyjnaje navučańnie. U toj ža čas urad vydzieliŭ značnyja srodki na padtrymku toj častcy biznesu, jakaja paciarpieła ŭ vyniku fors-mažornych abstavin. U pryvatnaści, urad pryjšoŭ na dapamohu avijakampanii «Lufthanza».
Kamientary