Danija pieršaj u Jeŭropie adkryvaje škoły. Ale tam miesiac byli strohija miery
Danija stała pieršaj jeŭrapiejskaj krainaj, jakaja ź sierady pačała adkryvać škoły i dziciačyja sady paśla ŭviadzieńnia abmiežavańniaŭ z-za pandemii karanavirusa 12 sakavika. Pra heta paviedamlaje TASS sa spasyłkaj na Agence France-Presse.
Adkryvacca pačali jaśli, dziciačyja sady i školnyja kłasy z 0 pa 5. Pry hetym nie ŭsie navučalnyja ŭstanovy akazalisia hatovyja da pracy z 15 krasavika, adznačaje ahienctva. U stalicy Kapienhahienie zapracavali tolki 35% ustanoŭ, a pa ŭsioj krainie zaniatki pačalisia tolki ŭ pałovie z 98 kamun. Astatnija paprasili bolej času, kab adaptavacca da sanitarnych norm, jakija praciahvajuć dziejničać. Raniej adznačałasia, što ŭnutry pamiaškańniaŭ dzieci pavinny buduć znachodzicca na bolšaj adlehłaści adno ad adnaho, staŭleńnie da zachavańnia čyścini budzie stražejšym, a pry najmienšaj prykmiecie zachvorvańnia dzicia tut ža budzie adpraŭlacca dadomu.
Čakajecca, što ŭsie škoły i dziciačyja sady adkryjucca 20 krasavika.
Kolkaść vypadkaŭ zaražeńnia karanavirusam u Danii dasiahnuła 4 647 čałaviek. Zaraz u balnicach źmieščanyja 503 inficyravanyja, 135 znachodziacca ŭ adździaleńniach intensiŭnaj terapii, 187 pacyjentaŭ pamierli.
U suviazi ź situacyjaj z karanavirusam urad Danii zakryŭ z 14 sakavika hranicy dla zamiežnikaŭ, žycharoŭ krainy zaklikali nie pravodzić schody kolkaściu bolš za 10 čałaviek. Ułady taksama zakryli ŭsie navučalnyja ŭstanovy, a dziaržsłužačyja, jakija nie vykonvajuć krytyčna važnyja zadačy, z 13 sakavika da 13 krasavika adpraŭlenyja pa chatach z zachavańniem zarobku.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j13
Kamientary