Błohier pahulaŭ pa naturnaj placoŭcy «Biełaruśfilma». Kinastudyja: jon niezakonna trapiŭ na vytvorčy abjekt
Błohier koko.by apublikavaŭ post pra naturnuju placoŭku «Biełaruśfilma». Maŭlaŭ, pryhožaje miesca pobač sa stalicaj, dzie možna pahulać. Kinastudyja ŭ adkaz zajaviła, što jon niezakonna pranik na vytvorčy abjekt, i zapatrabavała vydalić infarmacyju.
Miesca, pra jakoje idzie razmova, znachodzicca za 40 km ad Minska, u vakolicach Smalavičaŭ.
«Tam jość post KPP, ale terytoryja nie aharodžanaja. Nijakich papieradžalnych šyld, što tut nielha znachodzicca, nie było. Ja spakojna prajšoŭ, mianie nichto nie vyhaniaŭ», — dzielicca błohier Pavieł Kramar.
Paśla toj publikacyi (tam byli fota i padrabiaznaje apisańnie, jak dabracca da miesca) na placoŭku adzin za adnym pajechali jaho čytačy. Heta i stała pryčynaj, čamu «Biełaruśfilm» zapatrabavaŭ prybrać infarmacyju. U advarotnym vypadku pahražaŭ štrafam za niezakonnaje traplańnie na achoŭvany abjekt — ad 10 da 30 bazavych vieličyniaŭ.
Toj dopis Pavieł u vyniku vydaliŭ.
Na «Biełaruśfilmie» kamientujuć: toje, što placoŭku nie aharadzili, jašče ničoha nie značyć. Heta vytvorčy abjekt, a nie park dla adpačynku.
«Placoŭka maje KPP, tamu heta achoŭvanaja terytoryja. Błohier biez uzhadnieńnia z nami trapiŭ tudy, rabiŭ zdymki», — tłumačyć načalnik naturnaj placoŭki Siarhiej Bujnicki.
Jon adznačaje: kali chtości choča tam adpačyć, moža spynicca ŭ haścinicy ci arendavać letni domik — za hrošy. Dla pastajalcaŭ dazvolena rybałka, dajuć manhał.
Prosta prahulacca pa terytoryi, kali vy akazalisia prajezdam, usio ž taki možna. Pry ŭmovie, što nie budziecie rabić nijakich fota i videa.
«Niekatoryja zdymačnyja hrupy zrabili tam dekaracyi, ale praz karanavirus nie zmahli zakončyć zdymki, pryjeduć da nas paźniej. Ich rekvizit staić na placoŭcy. Što budzie, kali jany pabačać jaho ŭ internecie na čužych fota?» — aburajucca na «Biełaruśfilmie».
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary