«Vy bačyli, jak u ZŠA i Jeŭropie abyšlisia z pratestoŭcami»: Łukašenku turbuje, što zbor podpisaŭ pieratvarajecca ŭ masavyja mierapryjemstvy
Hałoŭnaj zadačaj dziaržaŭnych orhanaŭ sistemy zabieśpiačeńnia nacyjanalnaj biaśpieki — zachavać stabilnaść u krainie, harantavać zakonnaść i pravaparadak. Na heta źviarnuŭ uvahu Alaksandr Łukašenka ŭ čas narady pa pytańniach dziejnaści dziaržaŭnych orhanaŭ sistemy zabieśpiačeńnia nacyjanalnaj biaśpieki, piša BiełTA.
«Demakratyja demakratyjaj, ale biaźmiežža być nie pavinna. I nie budzie. Vy bačyli ŭ Złučanych Štatach, Zachodniaj Jeŭropie, jak supierdemakratyčnyja dziaržavy abyšlisia z pratestoŭcami.
Hałoŭnaja zadača dziaržaŭnych orhanaŭ sistemy zabieśpiačeńnia nacyjanalnaj biaśpieki — zachavać stabilnaść u krainie, harantavać zakonnaść i pravaparadak. Toje, što ad vas patrabujuć Kanstytucyja i zakon», — skazaŭ Alaksandr Łukašenka.
Pa słovach kiraŭnika dziaržavy, padčas narady płanujecca abmierkavać šmatlikija pytańni, ale asnoŭnaja ŭvaha budzie nadadziena praviadzieńniu vybarčaj kampanii i vybaraŭ prezidenta Biełarusi.
«Usiaho try tydni jak startavała hetaja vybarčaja kampanija, ale ŭžo siońnia my bačym, što daloka nie ŭsie kandydaty ŭ kandydaty majuć namier prajści hety šlach cyvilizavana.
Vakoł parušeńni zakanadaŭstva, bolš za toje, etyčnych normaŭ, abrazy, vypady ŭ bok ułady.
Jość i takija, chto ličyć, što dla dasiahnieńnia mety ŭsie srodki dobryja, — zaŭvažyŭ Alaksandr Łukašenka. — Toje, što ŭ baraćbie za simpatyi nasielnictva jany vykarystoŭvajuć vyklučna papulisckija łozunhi i ničym nie padmacavanyja abiacańni, — heta chaj raźbirajucca sami ludzi. Jany praanalizujuć, zrobiać adpaviednyja vysnovy. Narod raźbiarecca».
Kiraŭnik krainy źviarnuŭ uvahu na niedapuščalnaść pieratvareńnia zboru podpisaŭ u niesankcyjanavanyja mitynhi i masavyja mierapryjemstvy.
«Dapuścić parušeńnia zakona nielha: paśla nam daviadziecca za heta vielmi doraha zapłacić. Vy viedajecie, jak padobnaja situacyja raźvivałasia va Ukrainie. Tamu zakon i jašče raz zakon. Jon pavinien być biezdakorna vykanany», — padkreśliŭ kiraŭnik dziaržavy.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary