Navukoŭcy ŭ Kitai identyfikavali novy štam virusa hrypu, jaki maje surjozny patencyjał da ŭźniknieńnia pandemii. Virus vyjaviŭsia zusim niadaŭna, jaho raznosčyki — śvińni, adnak jon zdolny zaražać i ludziej, piša bbc.com.
Virus, jaki daśledčyki nazyvajuć G4 EA H1N1, moža raści i razmnažacca ŭ kletkach, jakija vyściłajuć dychalnyja šlachi čałavieka.
Jany znajšli dokazy niadaŭniaj infiekcyi ŭ ludziej, jakija pracavali na bojniach i ŭ śvinahadoŭčaj pramysłovaści ŭ Kitai z 2011 pa 2018 hod.
Ciapierašnija vakcyny suprać hrypu, chutčej za ŭsio, nie abaraniajuć ad jaho.
Prafiesar Kin-Čou Čanh, jaki pracuje ŭ Notynhiemskim univiersitecie ŭ Vialikabrytanii, skazaŭ Bi-bi-si: «Prosta zaraz my zasiarodžanyja na karanavirusie, i heta pravilna. Ale my nie pavinny vypuskać z-pad uvahi patencyjna niebiaśpiečnyja novyja virusy».
Tearetyčna pandemija novaha hrypu moža adbycca ŭ luby momant. Pandemii zdarajucca, kali źjaŭlajecca novy štam, jaki moža lohka pašyracca ad čałavieka da čałavieka.
Choć virusy hrypu pastajanna źmianiajucca — mienavita tamu vakcyna suprać hrypu taksama pavinna rehularna źmianiacca, kab nie adstavać, — jany zazvyčaj nie stanoviacca pandemičnymi.
Prafiesar Džejms Vud, zahadčyk kafiedry vieterynarnaj miedycyny Kiembrydžskaha univiersiteta, skazaŭ, štomy ŭvieś čas padviarhajemsia ryzycy źjaŭleńnia novych patahienaŭ i što sielskahaspadarčyja žyvioły, ź jakimi ludzi majuć bolšy kantakt, čym ź dzikaj pryrodaj, mohuć vystupać u jakaści krynicy mocnych pandemičnych virusaŭ.
Za šeść miesiacaŭ ad pačatku epidemii karanavirusa jaje achviarami va ŭsim śviecie stali bolš za 500 tysiač čałaviek, kolkaść zaražanych pieravysiła 10 miljonaŭ.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary