Łukašenka siońnia pravioŭ naradu nakont apošnich padziej u Biełarusi, piša BiełTA.
Jon padkreśliŭ, što asnovaj i padmurkam usiaho i najvažniejšym pytańniem, jak i raniej, źjaŭlajecca funkcyjanavańnie ekanomiki. «Tamu ŭradu nieabchodna pryniać usie nieabchodnyja dadatkovyja miery, kali heta treba, dla funkcyjanavańnia ekanomiki», — daručyŭ jon.
«Usie, chto chočuć pracavać, chto imkniecca pracavać, pavinny mieć pracu i, adpaviedna, zarobak. Usie, chto siońnia nie pracuje, pavinny być vyvučany, i im pavinna być prapanavana praca, — padkreśliŭ jon. — Asnova ŭsich hetych tak zvanych pratestoŭcaŭ — ludzi z kryminalnym minułym i siońnia biespracoŭnyja. Niama pracy, značyć «hulaj, dziadźka, pa vulicach i praśpiektach». Tamu ja pa-dobramu prašu i papiaredžvaju ŭsich: ŭładkavacca (treba) na pracu tym, chto nie pracuje».
I chaču papiaredzić niekatorych našych, miakka kažučy, tych, chto aburžuaziŭsia: nie daj boh niechta budzie vydavać lipavyja daviedki ab pracaŭładkavańni. Usio pavinna być sumlenna i prystojna, — adznačyŭ Alaksandr Łukašenka.
Jon daručyŭ pravaachoŭnym orhanam i dziaržaŭnym strukturam zabiaśpiečyć vykanańnie dadzienych ukazańniaŭ.
Na naradzie taksama abmiarkoŭvalisia pytańni ideałohii, kadravaj palityki i pracy ŚMI.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha8
Kamientary