Siamja Alaksandra Tarajkoŭskaha prosić nie prychodzić na raźvitańnie ŭ rytualnuju zału na Alšeŭskaha, pakinuć ich ź im sam-nasam. U suviazi z hetym hramadskaje raźvitańnie z demanstrantam adbudziecca a 12-j hadzinie na mietro Puškinskaja, miescy hibieli Alaksandra.
A pachavajuć jaho ŭ Aziarcy, na Zachodnich mohiłkach.
«Jon prosta chacieŭ žyć u dobraj krainie». Pra demanstranta, jaki zahinuŭ na Puškinskaj, raskazaŭ jaho siabar.
Siamja Alaksandra Tarajkoŭskaha prosić nie prychodzić na raźvitańnie ŭ rytualnuju zału na Alšeŭskaha, pakinuć ich ź im sam-nasam. U suviazi z hetym hramadskaje raźvitańnie z demanstrantam adbudziecca a 12-j hadzinie na mietro Puškinskaja, miescy hibieli Alaksandra. A pachavańnie adbudziecca na Zachodnich mohiłkach za Aziarcom.
Voś što Našaj Nivie raskazaŭ pra Tarajkoŭskaha jaho siabar.
«Saša vyjšaŭ na pratesty, bo jon byŭ nie zhodny z padlikam hałasoŭ na vybarach, z tym, što jaho hołas skrali. Jaho nie zadavalniała skockaje staŭleńnie ŭładaŭ da naroda, źbićci ludziej amapaŭcami. Jon chacieŭ žyć u dobraj krainie, chacieŭ, kab jaho dzieci žyli ŭ dobraj krainie, a nie ŭ fašyźmie. Ja razam ź im tady byŭ [na Puškinskaj], u paniadziełak. Tam było vielmi šmat mirnych ludziej. I kali pačalisia vybuchi, to ŭsie prosta kinulisia ŭ roznyja baki. I my zhubilisia», — raspaviadaje Dźmitryj.
Dźmitryj raspaviadaje, što Alaksandr byŭ ipešnikam, rabiŭ aŭtaštorki. Zajmaŭsia taksama ramontam bienza- i elektrainstrumientaŭ. Ruki ŭ čałavieka byli zdatnyja. Chacieŭ adkryć šviejnuju majsterniu. Pracavaŭ sam na siabie, spłačvaŭ padatki i byŭ sumlennym čałaviekam.
Na momant trahiedyi Alaksandr žyŭ hramadzianskim šlubam z Alenaj. U ich jość trochhadovaja dačka. U Aleny ad pieršaha šlubu taksama jość starejšaje dzicia. Zaraz Alena ź dziećmi zastałasia biez karmilca i faktyčna biez srodkaŭ dla dalejšaha isnavańnia, bo pracavała ŭ Alaksandra, dapamahała jamu ź biznesam.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3434
Kamientary