Čechija, jakaja staršynstvuje ŭ Jeŭrasajuzie, nazvała biessensoŭnymi abvinavačańni z boku ministra zamiežnych spraŭ Rasii Siarhieja Łaŭrova ŭ tym, što ES stvaraje śfieru ŭpłyvu na terytoryi postsavieckich krain, paviedamlaje «Frans Pres».
«Jon sam viedaje, što heta hłupstva. My całkam prytrymlivajemsia taho punktu hledžańnia, što nie pavinna isnavać nijakich śfier upłyvu — ni dla Rasii, ni dla ES», — zajaviŭ ministr zamiežnych spraŭ Čechii Kareł Švarcenbierh 27 krasavika ŭ Luksiemburhu pierad sustrečaj z kalehami z krain Jeŭrasajuza.
K.Švarcenbierh zaznačyŭ, što dla ES važnaje raźvićcio krain, jakija ŭvajšli ŭ prahramu «Uschodniaje partniorstva», pakolki ich adstavańnie «moža ŭ budučyni stvaryć prablemy dla ES».
Jak zajaviŭ kiraŭnik MZS Šviecyi Karł Bilt, «Uschodniaje partniorstva» — heta adkaz Jeŭrasajuza «na pažadańni šaści krain, jakija chočuć bolš ciesnaj intehracyi ź ES».
Raźviedka ZŠA: Biełaruś stała pieradavym vajskovym płacdarmam Rasii24
Kamientary