Jon pražyŭ 92 hady dy vykanaŭ kala 200 rolaŭ.
2 traŭnia, paśla chvaroby, ŭ adnoj ź viciebskich balnic na 93‑m hodzie žyćcia pamior Fiodar Šmakaŭ, najstarejšy aktor Nacyjanalnaha akademičnaha dramatyčnaha teatra imia Jakuba Kołasa,Narodny artyst SSSR, łaureat Dziaržaŭnaj premii BSSR, Łaŭreat premii «Za duchoŭnaje adradžeńnie», uładalnik pryza Biełaruskaha sajuza teatralnych dziejačaŭ «Kryštalovaja Paŭlinka», hanarovy hramadzianin Viciebska. Uznaharodžany šmatlikimi ordenami: «Znak Pašany», Pracoŭnaha Čyrvonaha Ściaha, Družby narodaŭ, miedalom Francyska Skaryny.
Fiodar Ivanavič Šmakaŭ naradziŭsia 1 sakavika 1917 hoda ŭ Pietrahradzie. U 1939 hodzie jon skončyŭ Leninhradski teatralny instytut i byŭ pryniaty ŭ trupu Ruskaha teatra BSSR, a ŭ 1941 hodzie pierajšoŭ u BDT‑2 (ciapier Nacyjanalny akademičny dramatyčny teatr imia Jakuba Kołasa).
U teatry Fiodar Ivanavič vykanaŭ kala 200 rolaŭ,asnoŭnyja ź ich Ovad («Ovad» Vojnič), Uljanaŭ («Siamja» I.Papova), Lenin («Viečnaja krynica» Ł.Zoryna, «Śviatło z Uschodu» P.Hlebki, «Šostaje lipienia» M.Šatrova), Vaskoŭ («A dośvitki tut cichija» B.Vasiljeva), Prysypkin («Kłop» U.Majakoŭskaha), Akim («Ułada ciemry» Ł.Tałstoha), Karavaj («Tabletku pad jazyk» A.Makajonka), Biaśsiemienaŭ («Miaščanie» M.Horkaha), Haradničy («Revizor» M.Hohala), Balboa («I pamirajučy drevy stajać» A.Kasony), Śvietłavidaŭ («Lebiadzinaja pieśnia» A.Čechava), Hraznoŭ («Praŭda — dobra, a ščaście lepš» A.Astroŭskaha), Pen («Ruža ŭ čystym poli» U.Drazdova) i, viadoma ž, Nieścierka.
Taksama Fiodar Šmakaŭ kala 30 razoŭ zdymaŭsia ŭ kino. Samaja viadomaja jaho rola — Andrej Raźmiotnaŭ u filmie «Padniataja calina» (1959 h.). Apošni raz jon źniaŭsia ŭ 2008 hodzie ŭ filmie «Jabłyk Miesiaca» Alaksieja Turoviča, praŭda rola była ŭžo biez słoŭ…
Pachavańnie adbudziecca ŭ paniadziełak, 4 traŭnia. Raźvitacca ź lubimym aktoram možna budzie ŭ teatry imia Jakuba Kołasa ŭ 12 hadzin.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j8
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary