Jaho nazyvali prateže eks-ministra kultury Juryja Bondara.
Kulturołah Pavieł Sapoćka, jaki źjaŭlaŭsia dyrektaram Nacyjanalnaha histaryčnaha muzieja Respubliki Biełaruś, pakidaje svaju pasadu. Supracoŭniki muzieja paćvierdzili Tut.by, što 14 studzienia jon raźvitaŭsia z kalektyvam. Raniej sam Sapoćka paviedamiŭ u razmovie z Tut.by, što nieŭzabavie pakinie svaju pasadu ŭ suviazi ź pierachodam na inšuju pracu.
Pavieł Sapoćka byŭ pryznačany dyrektaram muzieja ŭ sakaviku 2018 hoda, kali jamu było 26 hadoŭ. Jon źmianiŭ Aleha Ryžkova, jaki kiravaŭ muziejem z 2013 hoda.
Sapoćka naradziŭsia 4 studzienia 1992 hoda ŭ Maładziečnie. Skončyŭ Biełaruski dziaržaŭny ŭniviersitet kultury i mastactvaŭ, mahistraturu i aśpiranturu BDUKIM. Vykładaje na kafiedry mižkulturnych kamunikacyj hetaha ŭniviersiteta.
Na momant pryznačeńnia Sapoćki ŭznačalvaŭ mastackuju halereju «Univiersitet kultury».
U kułuarach dyrektara Nacyjanalnaha histaryčnaha muzieja ličyli prateže tahačasnaha ministra kultury Juryja Bondara. Toj uznačalvaŭ viedamstva ŭ 2017-2020 hadach i byŭ adpraŭleny ŭ adstaŭku ŭ listapadzie hetaha hoda. Mahčyma, cychod Sapoćki źviazany mienavita z hetaj akaličnaściu.
Pavodle nieaficyjnaj infarmacyi, Sapoćka praciahnie svaju karjeru ŭ Departamiencie turyzmu Ministerstva sportu i turyzmu.
-
«Z zadavalnieńniem syhrała b Kaleśnikavu». Śviatłana Zielankoŭskaja — pra novyja roli, Michałka i toje, jak zavablivali viarnucca ŭ Biełaruś
-
Mižnarodny Kanhres daśledčykaŭ Biełarusi nazvaŭ najlepšyja navukovyja publikacyi za 2023 hod
-
Abvieščana vilenskaja prahrama Fiestyvalu intelektualnaj knihi Pradmova
Kamientary