Biełaruski startap Covid-Ray sumiesna z vobłačnym pravajdaram IBA Cloud zapuściŭ servis, jaki zdolny vyjavić bieśsimptomnuju pnieŭmaniju na asnovie ličbavaha zdymka. Dakładnaść papiaredniaha dyjahnazu — kala 91%. Pra heta Dev.by raspaviali ŭ IBA.
Servis vyjaŭlaje zapaleńnie lohkich na asnovie renthienahramy. Dla hetaha na sajcie treba zahruzić ličbavy zdymak, paśla čaho sistema jaho praanalizuje. Štučny intelekt na asnovie 250 tysiač zdymkaŭ vyznačaje status — norma, pnieŭmanija abo inšaja patałohija.
Vyvučeńnie adnaho malunka lohkich zajmaje doli siekundy. Pa kožnaj viersii pryvodzicca imaviernaść u pracentach. Vynik možna zachavać, razdrukavać i pakazać doktaru dla pastanoŭki kančatkovaha dyjahnazu. Miedustanovy ŭ svaju čarhu mohuć aŭtamatyzavać apracoŭku renthienahram.
Covid-Ray užo karystajucca biełaruskija i zamiežnyja miedustanovy.
— Servis nie moža całkam zamianić daktaroŭ, adnak zaklikany pavysić dakładnaść ich dyjahnostyki. Ciapier renthienołahi ŭ paliklinikach prahladajuć pa 100-150 zdymkaŭ u dzień. Pry takoj nahruzcy pradkazalna moža źnižacca jakaść pracy. U adroźnieńnie ad ludziej, niejrasietki nie stamlajucca i zabiaśpiečvajuć vysokuju dakładnaść apracoŭki kožnaha malunka.
Servis praktyčna nie dapuskaje padmanna-admoŭnych vynikaŭ. Kali ŭ pacyjenta niešta nie tak ź lohkimi — jon heta zaŭvažyć, — adznačajuć raspracoŭščyki Covid-Ray.
Jak minimum 14 čałaviek zatrymanyja za palityku ŭ rabočym pasiołku Jalizava2
Kamientary