Беларускі стартап Covid-Ray сумесна з воблачным правайдарам IBA Cloud запусціў сэрвіс, які здольны выявіць бессімптомную пнеўманію на аснове лічбавага здымка. Дакладнасць папярэдняга дыягназу — каля 91%. Пра гэта Dev.by распавялі ў IBA.
Сэрвіс выяўляе запаленне лёгкіх на аснове рэнтгенаграмы. Для гэтага на сайце трэба загрузіць лічбавы здымак, пасля чаго сістэма яго прааналізуе. Штучны інтэлект на аснове 250 тысяч здымкаў вызначае статус — норма, пнеўманія або іншая паталогія.
Вывучэнне аднаго малюнка лёгкіх займае долі секунды. Па кожнай версіі прыводзіцца імавернасць у працэнтах. Вынік можна захаваць, раздрукаваць і паказаць доктару для пастаноўкі канчатковага дыягназу. Медустановы ў сваю чаргу могуць аўтаматызаваць апрацоўку рэнтгенаграм.
Covid-Ray ужо карыстаюцца беларускія і замежныя медустановы.
— Сэрвіс не можа цалкам замяніць дактароў, аднак закліканы павысіць дакладнасць іх дыягностыкі. Цяпер рэнтгенолагі ў паліклініках праглядаюць па 100-150 здымкаў у дзень. Пры такой нагрузцы прадказальна можа зніжацца якасць працы. У адрозненне ад людзей, нейрасеткі не стамляюцца і забяспечваюць высокую дакладнасць апрацоўкі кожнага малюнка.
Сэрвіс практычна не дапускае падманна-адмоўных вынікаў. Калі ў пацыента нешта не так з лёгкімі — ён гэта заўважыць, — адзначаюць распрацоўшчыкі Covid-Ray.
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну7
Каментары