Łukašenka siońnia pravioŭ naradu pa pytańniach supracoŭnictva z Rasijaj, na jakoj taksama raskazaŭ pra vyniki vizitu ŭ Sočy i pieramovy z Uładzimiram Pucinym.
Tema pastaŭki rasijskich vuhlevadarodaŭ na biełaruskija naftapierapracoŭčyja pradpryjemstvy nabyła novaje hučańnie na fonie sankcyj ZŠA, jakija zahadvajuć spynić usie stasunki z Navapołackim NPZ, adznačaje BiełTA.
«Urady vielmi surjozna prapracavali hetaje pytańnie, i jak minimum my damovilisia, što nijakich pytańniaŭ z pastaŭkami nafty nie budzie. Rasii heta vyhadna. My možam 22 miljony ton nafty pierapracavać, — adznačyŭ Alaksandr Łukašenka. — Pa pastaŭkach nafty dla NPZ Biełarusi nijakich prablem nie budzie, tak było skazana prezidentam Rasii. Jak i z pastaŭkami naftapraduktaŭ na rynak Rasii, i na źniešni rynak».
Pa słovach Łukašenki, pastaŭki buduć ažyćciaŭlacca ŭ zapłanavanych abjomach. Taksama na sustrečy była dasiahnuta pryncypovaja damoŭlenaść pa minimizacyi strat biełaruskich NPZ ad padatkovaha manieŭru ŭ Rasii z 1 studzienia 2022 hoda. Uradam daručana kančatkova adpracavać hetuju schiemu.
«Pa padatkovym manieŭry my znajšli raźviazki. Navat nie my, a ŭrady, my prosta heta ŭzhadnili i zaćvierdzili. Dalej budziem vieści dyjałoh i damaŭlacca», — skazaŭ jon.
Taksama Łukašenka skazaŭ, što pytańnie vajskovych baz nie abmiarkoŭvałasia.
«Nijakich abmierkavańniaŭ u płanie pierakidańnia ŭzbrojenych sił Rasii na pastajannaj asnovie, stvareńnia niejkich baz, pra heta navat havorki nie išło. I heta nam nie treba. Tamu što pa našaj kancepcyi vajennaj biaśpieki Sajuznaj dziaržavy ŭ hetym pakul niama nijakaj nieabchodnaści. Budzie niejkaja naściarožanaść, my budziem bačyć aktyvizacyju ŭ NATA, až da vajennaha kanfliktu — na praciahu sutak (bazy ŭ nas, aeradromy i inšaje vyznačany) rasijskija padraździaleńni i vojski buduć pierakinutyja ŭ Biełaruś», — skazaŭ Łukašenka.
Čytajcie taksama:
Miadźviedzieŭ: Rasija stamiłasia ad kanfrantacyi z Zachadam
Kiraŭnik banka VTB pra situacyju z Ryanair: Da Rasii znoŭ mohuć pryčapicca, ale «ŭ nas niama ničoha antyamerykanskaha i nie było»
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary