Ukraina zajaviła, što kali da Pratasieviča puściać pradstaŭnikoŭ «ŁNR», to Łukašenku «budzie baluča»
Ukraina adreahuje na toje, što Alaksandr Łukašenka zaprasiŭ u Biełaruś pradstaŭnikoŭ tak zvanaj «Łuhanskaj Narodnaj Respubliki» dla dopytu błohiera Ramana Pratasieviča, jaki znachodzicca ŭ SIZA. Pra heta 4 červienia ŭ efiry prahramy «Śnidanok z 1 + 1» na telekanale «1+1» zajaviŭ ministr zamiežnych spraŭ Ukrainy Dźmitryj Kuleba.
«Budzie baluča Alaksandru Łukašenku. U nas jość dastatkova instrumientaŭ, kab zrabić ludziam i krainam, jakija nie pavažajuć terytaryjalnuju cełasnaść Ukrainy, baluča. Asabliva kali havorka idzie ab Biełarusi, ź jakoj u nas šmat suviaziaŭ. U tym liku i ekanamičnych. Nie budu zakidvać pahrozami, ale chaču skazać, što jość rečy, jakija my nie darujem. Niepavaha da terytaryjalnaj cełasnaści Ukrainy — adna z takich», — skazaŭ Kuleba.
Pry hetym kiraŭnik MZS padkreśliŭ, što Kijeŭ nie choča palityčnaj ci ekanamičnaj vajny ź Minskam, tamu budzie «dziejničać uzvažana».
Nahadajem, vystupajučy ŭ parłamiencie 26 maja, Alaksandr Łukašenka abvinavaciŭ zatrymanaha błohiera Ramana Pratasieviča ŭ zabojstvach, učynienych na terytoryi Ukrainy.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary