Kiraŭnictva tak zvanaj «ŁNR» rychtujecca da sudovaha pracesu nad Ramanam Pratasievičam, jakoha zatrymali 23 maja ŭ Biełarusi paśla prymusovaj pasadki samalota. Pra heta paviedamlaje «Interfaks», jaki cytuje pradstaŭnika «ŁNR» Radzivona Mirošnika.
«Ja liču, što heta całkam mahčyma, ale hetamu budzie papiaredničać surjoznaja skrupuloznaja praca», — kaža pradstaŭnik prarasijskaha sieparatysckaha ŭtvareńnia na ŭschodzie Ukrainy.
Pa jaho słovach, «treba prajści pracedurna-śledčuju častku, paśla jakoj pavinny być aformleny ŭsie nieabchodnyja dakumienty, i ŭžo paśla hetaha možna budzie vieści havorku… ab tym, jakim čynam čałavieka, jaki ździejśniŭ złačynstva, pryciahvać da suda mienavita ŭ nas».
Jon raspavioŭ, što ŭ «ŁNR» stvorana «śledčaja hrupa», jakaja zajmajecca Pratasievičam i ŭžo nakiravała adpaviednyja dakumienty ŭ pravaachoŭnyja orhany Biełarusi.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary