U Biełarusi ŭniasuć źmieny ŭ praviły vydačy i afarmleńnia balničnych. U śpiecyjalnaj instrukcyi siarod inšaha ŭdakładnili, što kali siedziačy na balničnym zachvareŭ jašče i na COVID-19, to pavinny adkryć novy list niepracazdolnaści. Taksama prapisali, što balničnyja pa ciažarnaści i rodach mohuć adkryć u tym liku ŭ stacyjanary, piša Tut.by.
Tut.by
Minzdaroŭja i Minpracy ŭnieśli źmieny ŭ Instrukcyju ab paradku vydačy i afarmleńnia listkoŭ niepracazdolnaści i daviedak ab časovaj niepracazdolnaści. Niekatoryja momanty, jakija prapisali ŭ dakumiencie, užo i tak prymianiajucca na praktycy, inšyja ž tolki ŭvodziać.
U Instrukcyju dapoŭnili punkt, što kali čałaviek, jaki znachodzicca na balničnym, atrymaje jašče i bytavuju traŭmu abo zachvareje na COVID-19, to ŭ takim razie jamu pavinny adkryvać novy balničny. Heta moža być krytyčnym momantam u situacyi, kali balničny zaciahniecca z-za praciahłaha lačeńnia. Sprava ŭ tym, što ŭ Biełarusi isnuje maksimalny termin, na jaki vydajecca balničny, — 120 kalandarnych dzion bieśpierapynna.
Taksama prapisali, što vydavać list niepracazdolnaści pa ciažarnaści i rodach mohuć u tym liku ŭ stacyjanary, heta značyć u balnicy. U dziejnaj ciapier instrukcyi paznačana, što heta možna zrabić u miedustanovie, u jakoj žančyna znachodzicca pad nahladam.
Źjaviŭsia novy punkt ab niesvoječasovaj jaŭcy pacyjenta na pryjom da doktara. U instrukcyi prapisali, što ŭ takim razie dalejšaje afarmleńnie balničnaha buduć pravodzić z dnia faktyčnaj jaŭki chvoraha.
Jak tłumačać u Ministerstvie achovy zdaroŭja, niekatoryja źmieny datyčacca afarmleńnia balničnaha, kali ŭ im vypraŭlajuć niasłušnuju infarmacyju. Taksama adkarektavali śpis vypadkaŭ, pry jakich asabistuju piačatku stavić na balničnym doktar, što lečyć chvoraha, zahadčyk adździaleńnia abo kiraŭnik miedustanovy, staršynia miedyčna-kansultacyjnaj kamisii.
Źmieny pačnuć pracavać z 23 lipienia.
Ciapier čytajuć
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach11
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary