«Nie słabnie imknieńnie praciŭnikaŭ biełaruska-rasijskaj intehracyi ŭbić klin u našy adnosiny», — zajaviŭ Łukašenka.
Krynicaj biełaruskaha suvierenitetu ź`iaŭlajucca «nie papiarovyja dekłaracyi, nie zajavy hetak zvanych nacyjanalnych lideraŭ, a vola naroda, jaho pavaha da svajoj hieraičnaj historyi», zajaviŭ Alaksandr Łukašenka, vystupajučy pierad pačatkam parada 3 lipienia.
Pavodle słoŭ prezidenta, «hady Druhoj suśvietnaj vajny pakazali, što niama ničoha bolš kaštoŭnaha za zhurtavanaść i jadnańnie krain i narodaŭ». «U vajennyja hady, niahledziačy na najaŭnyja sub`iektyŭnyja supiarečnaści i roznyja palityčnyja asnovy, zachodnija krainy ŭ baraćbie z nacyzmam znachodzilisia ŭ adnym strai z savieckim narodam», — skazaŭ jon.
Siońnia, zaznačyŭ Łukašenka, «dla pieraadoleńnia hłabalnaha finansava-ekanamičnaha kryzisu, praduchileńnia raspaŭsiudžańnia jadziernaj zbroi, baraćby z ekstremizmam i teraryzmam mižnarodnaj supolnaści nieabchodna ab`iadnać namahańni, paśladoŭna pravodzić spraviadlivuju i miralubnuju palityku».
«U śviecie nie pavinna być zvyšdziaržaŭ, jakija sami siabie nadzialili pravam dyktavać umovy, jak žyć suvierennym i niezaležnym dziaržavam. Kožny narod, kožnaja kraina majuć prava na ŭłasny vybar svajho šlachu raźvićcia — heta asnovatvorny pryncyp mižnarodnych adnosinaŭ», — padkreśliŭ Łukašenka.
Biełaruś, pavodle jaho słoŭ, «niaźmienna viernaja tradycyjam miru i dobrasusiedstva». «My ličym svaimi žyćciova važnymi intaresami raźvićcio ŭsiebakovaha i ŭzajemavyhadnaha supracoŭnictva z usimi dziaržavami, zachavańnie i ŭmacavańnie isnujučych sistem mižnarodnaj i rehijanalnaj biaśpieki. Paśladoŭna pravodzim zbałansavanuju šmatviektarnuju źniešniuju palityku», — zajaviŭ Łukašenka.
Na žal, dadaŭ jon, «apošnim časam ź`iavilisia sproby traktavać pryncyp šmatviektarnaści ledź ci nie jak zdradnictva sajuźnikaŭ z boku Biełarusi».
«Nie słabnie imknieńnie praciŭnikaŭ biełaruska-rasijskaj intehracyi ŭbić klin u našy adnosiny, — zajaviŭ Łukašenka. — Ja nieadnarazova kazaŭ i jašče raz padkreślu, i chaču, kab heta pačuli najpierš rasijanie i kiraŭniki Rasii: Biełaruś nie handluje družbaj z Rasijaj, my — brackija narody, my — adzin narod.Naša supolnaja vialikaja pieramoha i siońniašni jubilej, jaki simvalizuje sumiesny ŭniosak u razhrom ahresara, u vyzvaleńnie našych narodaŭ i ŭsiaho čałaviectva ad fašysckaha zaniavolvańnia, u tysiaču razoŭ pieravažvajuć uzajemnyja roznahałośsi i pretenzii. Razam my vyrašali i vyrašym lubyja prablemy».
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary