Zakłaŭšy centr horada plitkaj i amal źniščyŭšy ŭ im usiu zielaninu, haradskija ŭłady ŭzialisia za ŭskrainy. Pryčym takija ŭskrainy, jakimi horad zaŭsiody hanaryŭsia jak svaimi «zialonymi lohkimi».
Zakłaŭšy centr horada plitkaj i amal źniščyŭšy ŭ im usiu zielaninu, haradskija ŭłady ŭzialisia za ŭskrainy. Pryčym takija ŭskrainy, jakimi horad zaŭsiody hanaryŭsia jak svaimi «zialonymi lohkimi».
Park 40-hodździa VŁKSM, bolš viadomy ŭ narodzie prosta jak Novy park. Vydatnaje miesca adpačynku haradziencaŭ pobač ź Niomanam, Kałožaj. Adsiul adkryvajucca vydatnyja krajavidy horada, tut staić simvaličnaja steła, ustalavanaja ŭ honar 850-hodździa Harodni. Zdajecca takoje miesca našaha horada pavinna naležać tolki ŭsim jaho žycharam. Ale nie. Terytoryja parka pačała niaŭchilna skaračacca, asabliva paśla taho, jak niekatory čas tamu haradskija ŭłady vyrašyli addać častku parkavaj zony pad stvareńnie… novaj vulicy. I voś takuju novuju vulicu vy možacie bačyć. Tolki učastak ziamli pad zabudovu na hetym vydatnym miescy kaštavaŭ pa našych źviestkach bolej čym 50 tysiač dalaraŭ. Kolki kaštujuć uźviedzienyja tut damki, acanicie sami. Takim čynam praź niejki čas, zamiest taho, kab pahanarycca pierad svaimi haściami Kałožskim parkam, vy zmožacie im pakazać našu ŭłasnuju, haradzienskuju «Rubloŭku». Tolki nieviadoma, ci vas tudy paśla puściać. Simvaličny taksama toj fakt, što budaŭnictva haradzienskaj «Rubloŭki» viadziecca na kulturnym słoi z Savieckaj płoščy, vyviezienym siudy viasnoj-letam 2006 h. Ziamla tut prosta zasypana kavałkami staražytnaj kieramiki, kafli, mietaličnych vyrabaŭ…Darečy, jość surjoznyja padstavy mierkavać, što padobnyja budynki chutka źjaviacca na vulicach Fiestyvalnaja i Viasieńniaja. Śpiłavaŭšy kala dvaccaci sosnaŭ, padobny budynak užo pačali ŭzvodzić kala dziciačaha doma. Pry hetym možacie pry nahodzie hlanuć na pašpart budaŭnictva hetaha doma — na im niama nijakich nadpisaŭ aprača nazvy arhanizacyi, jakaja buduje, i imia adkaznaha za budoŭlu.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja64
Kamientary