«Heta dobraachvotnaja inicyjatyva». U miedykaŭ lidskaj balnicy masava źbirajuć hrošy na Čyrvony Kryž
U supracoŭnikaŭ lidskaj balnicy ŭ masavym paradku źbirajuć hrošy na Čyrvony Kryž. Jak raspaviali «Našaj Nivie», usim razdali na podpis adpaviednuju zajavu.
Pamier unioska — 0,75% miesiačnaha zarobku, jon płacicca raz na hod. Takaja praktyka, kažuć, tut užo nie pieršy hod.
«Naša Niva» paprasiła Biełaruski Čyrvony Kryž prakamientavać situacyju.
«Sychodziačy z pryncypu dobraachvotnaści mižnarodnaha ruchu nichto nie maje prava prymušać zdavać hrošy ci stanavicca členam Biełaruskaha Čyrvonaha kryža. Heta vyklučna dobraachvotnaja inicyjatyva. Prośba z boku Lidskaj CRB zapoŭnić takuju zajavu — unutrany praces balnicy, padpisvać ci nie, vyrašaje kožny indyvidualna. Sa svajho boku my ŭdziačny kožnamu, chto padtrymlivaje nas i dapamahaje akazvać dapamohu tym, kamu jana nieabchodnaja», — adkazali ŭ pres-słužbie.
Kamientary