Biełaruskija muzyki praciahvajuć pracavać nad svaimi tvorami ŭ miežach prajektu «Tuzin. Pierazahruzka».
Pieśnia hurta Da Vinci «L'amore non esiste» z dapamohaj Alesia Kamockaha pieraŭtvaryłasia ŭ «Kachańnie nie ŭźnikła», Andrej Chadanovič pierakłaŭ «Tryjumf voli» Siarhieja Puksta, a Hleb Łabadzienka pieraasensavaŭ na biełaruski ład «Pod kupołom niebies» maskoŭska‑mienska‑navapołackaha hurta «Stoks».
Zapis pieśni «Kachańnie nie ŭźnikła» dla hurta Da Vinci było sapraŭdnym vyprabavańniem. «Biełaruskuju movu viedaju dobra, ale sam rasiejskamoŭny, tamu pa‑biełarusku było vielmi składana śpiavać, — pryznajecca vakalist prajektu Dzianis Dudzinski. — Takoje było adčuvańnie, što idzieš niamaviedama kudy. Ale ź cikavaściu pieraadoleŭ pieraškody, i pa vyniku prasłuchaŭ siabie siabie biełaruskamoŭnaha ź niemałym ździŭleńniem». Muzyki dali volu paetu i pierakładčyku Alesiu Kamockamu, jaki na padstavie ich hita «L'amore non esiste» faktyčna stvaryŭ novuju pieśniu. Da Vinci zadavolilisia vynikam i vyrašyli ŭklučyć «Kachańnie nie ŭźnikła» u svoj stały repiertuar. Bolš za toje — pa‑za miežami «Pierazahruzki» jany majuć namier praciahnuć supracu z Alesiem Kamockim. Muzykanty planujuć stvaryć błok ź niekalkich piesień pa‑biełarusku.
A voś Siarhiej Pukst padčas udziełu ŭ prajekcie vyrašyŭ źmianić pieśniu. Zamiest kampazycyi «Prosto stal» jon pieraśpiavaje «Tryjumf voli» — zahałoŭnuju pieśniu z svajho apošniaha albomu.
Siarhiej apaviadaje, što prablemy paŭstali praz słova «hołubizna», jaki ŭžyvajecca ŭ pieśni:«Hetaje słova nie maje dastatkovuju kolkaść adpaviednych značeńniaŭ u biełaruskaj movie, tamu aničoha nie vychodziła ź pieraśpievam rytmična dy sensavanaja nahruzka nie zachoŭvałasia. Tamu ja pryniaŭ rašeńnie zamianić na inšuju pieśniu, bolš raśpieŭnuju, kab padkreślić pryhažość jaje biełaruskaha varyjantu», — patłumačyŭ vykanaŭca. «Tryjumf voli» pierakłaŭ užo paet Andrej Chadanovič. Siarhiej Pukst nazyvaje hety tekst — biezdakornym.
«Pad kupałam błakitnych niabios kałyša nas melodyjaj los», — hetak ciapier hučyć prypieŭ adnoj z samych pryhožych piesień hurta «Stoks» «Nam vielmi spadabaŭsia pierakład, jaki zrabiŭ Hleb Łabadzienka, — kažuć udzielniki hurta, — My nie razmaŭlajem pa‑biełarusku pa žyćci, ale my ŭśviedamlajem siabie biełarusami». Praca nad histaryčnym dla «Stoksaŭ» trekam budzie vieścisia adrazu ŭ troch haradach — Navapołacku, kudy peryjadyčna pryjazdžaje da svajoj siamji lider hurta Alaksiej Stoks, Miensku, dzie časam źbirajucca muzyki i Maskvie, dzie apošnim časam hurt «Stoks» pracuje.
Internet‑prezentacyja prajektu «Tuzin. Pierazahruzka» adbudziecca ŭ novym muzyčnym sezonie na staronkach Tuzin Hitoŭ i Budźma.
***
U prajekcie «Tuzin. Pierazahruzka» internet‑partału «Tuzin Hitoŭ» i hramadzkaj kampanii «Budźma biełarusami» biaruć udzieł 12 samych cikavych ajčynnych niebiełaruskamoŭnych vykanaŭcaŭ roznych stylaŭ,jakich łučyć aryhinalnaść materyjału, prafesyjnaść u muzyčnym padychodzie i žadańnie ekśpierymentavać. Kožny ź ich pierazapiša adzin z svaich hitoŭ u biełaruskamoŭnym varyjancie, vykananym prafesyjnym pierakładčykam.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary