U Maskvie na ofis pravaabarončaha centra «Miemaryjał» ździejśnili napad niekalki dziasiatkaŭ čałaviek. Incydent adbyŭsia ŭ čaćvier padčas pakazu filma Ahnieški Chołand «Haret Džons».
Prahlad byŭ arhanizavany sumiesna z polskim kulturnym centram. Prykładna praz 10 chvilin paśla pačatku filma ŭ zału ŭvarvalisia ludzi ŭ maskach i zahadali ŭsim lažać, paviedamlaje «Radyjo Svaboda».
A kak prochodit vaš viečier? pic.twitter.com/wg7TIu72LI
— PC Miemoriał (@hrc_memorial) October 14, 2021
Mnohija hledačy spužalisia, vyrašyŭšy, što heta zachop zakładnikaŭ. Zatym napadniki zajšli na scenu i stali nazyvać prysutnych «fašystami» i vykrykvać łozunhi «Dałoŭ!» i «Sychodź!». Padrabiaznaściaŭ ab tych, chto napadaŭ, i pryčynach ich učynku pakul niama.
Film, padčas pakazu jakoha adbyŭsia napad, apaviadaje pra brytanskaha žurnalista, jaki pryjechaŭ u SSSR i staŭ śviedkam Haładamoru na terytoryi Ukrainy.
Da pryjezdu palicyi ŭdałosia zatrymać traich čałaviek. Ich zabrali ŭ adździeł. Paśla hetaha palicyja ačapiła budynak, dzie raźmieščany ofis «Miemaryjała» — haściej prahladu ź jaho vypuścili, a supracoŭnikaŭ arhanizacyi — nie.
-
U Finlandyi hramadzianam Biełarusi i Rasii zabaranili jeździć na ekskursii na AES. U tym liku školnikam
-
«Zimovaje našeście mieduz my spynili». Rasijskaja «Mieduza» vydaliła rekłamu z paciarpiełymi ad vajny ŭkraincami
-
«Biez našaj padtrymki kraina pierastanie isnavać». Tramp znoŭ prapanavaŭ, kab Kanada stała 51-m štatam ZŠA
Kamientary