Padobnyja pierły ŭ vialikaj kolkaści možna adšukać na partale «Zamkavy kompleks «Mir». Akramia taho, startavaja staronka partału — na rasijskaj movie.
Padobnyja pierły ŭ vialikaj kolkaści možna adšukać na partale «Zamkavy kompleks «Mir». Akramia taho, startavaja staronka partału — na rasijskaj movie.
Pieršaje, što kidajecca ŭ vočy pry naviedvańni partału «Zamkavy kompleks «Mir», — rasijskaja mova startavaj staronki. Pišacie adras www.mirzamak.by, a jon pieratvarajecca ŭ www.mirzamak.by/ru/ i vy traplajecie ŭ «On-line tur po Mirskomu zamku».
Znajomstva ź biełaruskamoŭnaj viersijaj sajtu rasčaroŭvaje ŭžo na hałoŭnaj staroncy: čaho vartaja tolki nazva rubryki «Infacientr».Prykłady ci to nieachajnaści, ci to pabłažlivaha staŭleńnia da rodnaj movy, ci to banalnaha jaje niaviedańnia traplajucca na sajcie skroź. Tak, u raździele «Recepty kuchni «kn. Michaiła Śviatapołk-Mirskaha» možna pabačyć etykietku vodki, jakaja vypuskałasia na vinakurAnym zavodzie M.I.Śviatapołk-Mirskaha, daviedacca pra dziŭnuju stravu «pierakačenik». Raździeł «Navukovaja infarmacyja» maje rubryku «Dokłady», a restaran u Mirskim zamku raźličany na 60 miescaŭ. Raździeł «Pasłuhi» pry padrabiaznym razhladzie apynajecca «Usłuhami». Kab daviedacca pra mierapryjemstvy, što ładziacca ŭ zamku, treba patrapić ŭ «Archiu mierapryjemstvaŭ». Svaje ŭražańni možna pakinuć u knizie vodhukav. Pa-rasijsku vykananyja elemienty mieniu partału, siervisnyja linki, a taksama mapa słužbaŭ zamkavaha kompleksu i mapa Biełarusi ŭ raździele «Kantaktnaja infarmacyja».
Najaŭnaść hetych lapaŭ nie moža nie ździŭlać, zvažajučy na toje, što partał raspracavany pavažanaj kampanijaj, jakaja pracuje na ajčynnym rynku ad 1992 hodu, — «NPP BiełSoft».
Partał «Zamkavy kompleks «Mir» nie adziny, pryśviečany Mirskamu zamku. U Siecivie možna adšukać prynamsi niekalki sajtaŭ, nazvanych adnolkava — «Mirskij zamok». Raspracavany Nacyjanalnym ahienctvam pa turyźmie partał pracuje na rasijskaj i anhlijskaj movach. Zrešty, sajt ułasna Nacyjanalnaha ahienctva pa turyźmie znajomić svaich naviednikaŭ ź Biełaruśsiu na vaśmi movach — ad rasijskaj, da kitajskaj, pieraplunuŭšy ŭ hetym navat sajt «Supierłoto», jaki moža pachvalicca tolki šaściu movami (jość tam i polskaja, i ŭkrainskaja, tolki na biełaruskuju hrošaj nie chapiła).
Jašče adzin «Mirskij zamok» daŭnavata nie adnaŭlajecca. Stvorany jon na rasijskaj movie, ale ŭtrymlivaje kolki tekstaŭ pa-biełarusku.
Ciažka sabie ŭjavić takoje ŭ Litvie, ci Ŭkrainie — kab rodnaj movie na partale, pryśviečanym abjektu nacyjanalnaha maštabu, advodziłasia b rola druhoha płanu. Prynamsi, na sajcie zamku ŭ Trokach litoŭskaja mova — na pieršym miescy.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary