U Izraili zabaranili prodaž nabora dla tatuirovak z Aśviencyma
Izrailski sud prypyniŭ prodaž na aŭkcyjonie redkaha naboru ihołak dla tatuirovak. Mierkavana, jaho ŭžyvali dla paznačeńnia viaźniaŭ u Aśviencymie.
Nabor składajecca ź mietaličnych błokaŭ ź ihołkami, što raźmiaščajucca ŭ formie ličbaŭ. Płanavałasia, što prodaž łotu z Aśviencyma projdzie 9 listapada, i nabor pojdzie z małatka pa košcie ad 30 da 40 tysiač dalaraŭ, piša Wall Street Journal.
Adnak 3 listapada sud u Tel-Avivie vydaŭ časovuju zabaronu na praviadzieńnie aŭkcyjona. Niezadoŭha da hetaha pradstaŭniki Centra arhanizacyj tych, chto pieražyŭ Chałakost, abviaścili, što pryvatny prodaž takoha nabora paškodzić namahańniam pralić śviatło na trahičnyja padziei, što mieli miesca ŭ kancentracyjnych łahierach.
Na 16 listapada zapłanavanaje novaje sudovaje słuchańnie pa pytańni prodažu nabora.
U Izraili nie isnuje zakona, jaki b adkryta zabaraniaŭ prodaž pradmietaŭ, źviazanych z Chałakostam.
Skarha arhanizacyi achviar Chałakostu zasnavanaja na pohladzie na spraviadlivaść u izrailskim pravie, a taksama na mierkavańni, što ŭ takich instrumientaŭ nie moža być pravilnaha ŭłaśnika.
Advakat arhanizacyi Devid Forer taksama zajaviŭ, što jon źviarnuŭsia da izrailskaha ŭrada z prapanovaj kanfiskavać nabor.
Mieir Colman, kiraŭnik aŭkcyjonnaha doma, što mieŭsia pradać nabor, śćviardžaje, što jon sam — unuk achviar Chałakosta, tamu chacieŭ, kab «niechta zdoleŭ acanić histaryčnuju vartaść nabora».
Dźvie tyjary žonki Napaleona pradaduć na aŭkcyjonie
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary