Biełarusy praciahvajuć dzialicca ŭ sacyjalnych sietkach historyjami pra niepryjemnyja znachodki ŭ šakaładnaj pradukcyi fabryki «Kamunarka». Adny pakupniki vyjavili ŭ šakaładnaj plitcy zapiačatanuju muchu, inšyja — ličynak, što vyklikała ažyŭlenuju dyskusiju pra jakaść pradukcyi i ŭmovy jaje zachoŭvańnia.
Pieršaj nahodaj dla abmierkavańnia staŭ dopis karystalnicy Threads pad nikam.equ..taha._. Dziaŭčyna raskazała, što kupiła šakaładku «Lubimaja Alonka», adnak paśla adkryćcia ŭpakoŭki zaŭvažyła ŭ vierchnim kucie plitki zapiačatanuju muchu, piša «Minskaja praŭda».
Pavodle jaje słoŭ, paśla takoj znachodki apietyt źnik imhnienna. Na zvarot pakupnicy apieratyŭna adreahavali pradstaŭniki fabryki. U kampanii paprasili prabačeńnia i paviedamili, što infarmacyju ŭžo pieradali ŭ adździeł kantrolu jakaści, kab vyśvietlić pryčyny zdareńnia i nie dapuścić padobnych vypadkaŭ u budučyni.
Nieŭzabavie ŭ Threads źjaviłasia jašče adna publikacyja. Karystalnica nnikki_v paviedamiła, što nabyła šakaład «Lubimaja Alonka» z arachisam i vyjaviła ŭnutry biełych ličynak.
Paśla zvarotu na fabryku joj adkazali, što šakaład byŭ vyrableny davoli daŭno, tamu pryčynaj mahli stać nienaležnyja ŭmovy zachoŭvańnia ŭžo ŭ handlovaj sietcy. Mienavita hetaje tłumačeńnie vyklikała ŭ karystalnikaŭ najbolš pytańniaŭ. Pad publikacyjaj razharnułasia aktyŭnaje abmierkavańnie. Mnohija zasumniavalisia, što takija «siurpryzy» mahli źjavicca vyklučna praz umovy zachoŭvańnia.
Voś tolki niekatoryja z kamientaroŭ:
- «Dobra, kali b šakaład prosta pabialeŭ ci raspłaviŭsia. Ale adkul čarviaki?»
- «Kali ŭpakoŭka była cełaja, to jakim čynam ličynki mahli trapić tudy ŭžo ŭ kramie?»
- «Atrymlivajecca, pradukt byŭ zaražany jašče da pakupki?»
- «Paśla takoha strašna adkryvać lubuju šakaładku».
- «Zatoje naturalny pradukt — nijakich štučnych dabavak».
- «Vysokabiałkovy šakaład».
- «Ciapier budu ŭvažliva hladzieć na termin prydatnaści i stan upakoŭki».
- «Vielmi niepryjemna, asabliva kali kuplaješ prysmaki dzieciam».
Častka karystalnikaŭ, naadvarot, vykazała mierkavańnie, što takija vypadki sapraŭdy mohuć być źviazanyja z praciahłym zachoŭvańniem pradukcyi abo parušeńniem tempieraturnaha režymu ŭ kramach. Inšyja adznačyli, što nikoli nie sutykalisia z padobnymi prablemami i praciahvajuć kuplać pradukcyju fabryki.
Ciapier čytajuć
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ30
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary
Voś mo na Kamunarcy zaraz pracuje.