PŁR-test na kavid — duža niepryjemnaja štuka. Tak i pavinna być?
Ekśpierty śćviardžajuć, što adzin z elemientaŭ našaj budučaj pieramohi nad kavidam — teściravać jak maha bolš ludziej na najaŭnaść virusa i rabić heta tak časta, jak tolki mahčyma. PŁR-test dla hetaha vielmi zručny. Na žal, heta nie nadta pryjemnaja pracedura, kali vatnyja pałački zasoŭvajuć hłyboka ŭ nasavyja chady i horła. Ci sapraŭdy PŁR-mazok nie pavinien być kamfortnym? Tłumačym razam z New York Times.
Za čas pandemii mała chto paźbiehnuŭ takoj pracedury, jak PŁR-mazok na kavid. Hety ŭzor paźniej analizujuć na najaŭnaść frahmientaŭ hienietyčnaha materyjała virusa kavida.
Anatomija PŁR-testa
Jak adbyvajecca toj samy mazok? Pałačka z vatnym tamponam prachodzić praz nasavyja chady ŭ nasavuju połaść. Vakoł hetaj połaści znachodzicca kostka, pakrytaja miakkaj adčuvalnaj tkankaj. Zzadu nasavoj połaści i bolš—mienš na adnym uzroŭni z močkami vušej znachodzicca nasahłotka — miesca, dzie zadniaja častka nosa sutykajecca ź vierchniaj častkaj horła.
Heta adno z tych miescaŭ, dzie virus kavida aktyŭna razmnažajecca. Tamu, kali jon prysutny ŭ arhaniźmie čałavieka, u nasahłotcy ź vialikaj vierahodnaściu možna atrymać jaho dobry ŭzor.
Čamu ž PŁR-test ličać takim niepryjemnym? Mahčyma, sprava ŭ tym, što bolšaść ludziej prosta nie pryvykła da takich pracedur, kali im zasoŭvajuć niešta nastolki daloka ŭ nos.
Ci sapraŭdy mazok pavinien być hłybokim
Zvyčajna PŁR-testy adroźnivajucca ŭ zaležnaści ad taho, ź jakoj častki dychalnych šlachoŭ biaruć materyjał dla daśledavańnia. U pačatku pandemii čaściej prymianiali hłybokija mazki, bo taki mietad dobra pracavaŭ pry vyjaŭleńni virusaŭ hrypa i atypovaj pnieŭmanii.
Zaraz ekśpierty taksama schilajucca da dumki, što takija mazki samyja dakładnyja. Ich efiektyŭnaść składaje kala 98%, u toj čas jak mienš hłybokija mazki pracujuć z dakładnaściu kala 82-88%.
Isnuje šmat rekamiendacyj nakont taho, jak pravodzić PŁR-test. Ale ž toje, nakolki jon budzie kamfortnym, zaležyć nie tolki ad techniki. Sprava ŭ vopycie miedyka, balavoj ustojlivaści pacyjenta, anatamičnaj struktury nasavoj połaści kankretnaha čałavieka i ŭ marcy testa. Cikava, što žančyny čaściej skardziacca na bol pry PŁR-teście, čym mužčyny. Heta moža być źviazana z tym, što niekatoryja kampanii vyrablajuć takija tampony dla teściravańnia, jakija źjaŭlajucca zanadta vialikimi dla žanočaha tvara.
Niekatoryja ekśpierty ličać, što dyskamfort padčas PŁR-testa — nie nadta vialikaja płata za toje, kab test byŭ zrobleny dobra. Inšyja ŭpeŭnivajuć: PŁR-mazok nie bolš niebiaśpiečny, čym analiz kryvi.
Tym nie mienš, zastajucca i takia pacyjenty, chto adčuvaje padčas testa vialiki bol ci navat maje praź jaho nasavoje kryvaciačeńnie.
Adnak navat jany, napeŭna, pahadziacca z tym, što nasavy mazok na kavid — nie samy niepryjemny z testaŭ na hety virus. Bo ŭ hetym hodzie Kitaj zapatrabavaŭ ad niekatorych zamiežnikaŭ, što pryjazdžajuć u krainu, u tym liku ad dypłamataŭ, prachodzić analny test na kavid. Takoje rašeńnie vyklikała lutaść zamiežnych uradaŭ.
U zamožnych krainach mianiajuć razumieńnie taho, kaho ličyć poŭnaściu vakcynavanym. I heta nie padabajecca SAAZ
Jak spynić vypadzieńnie vałasoŭ paśla kavidu?
Žyćcia biez kavidu nie budzie. Z nadychodam zimy ŭ ZŠA čakajuć pik zachvorvańniaŭ
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary