Učora palicyja Łodzkaha vajavodstva zatrymała piaciarych hramadzian Iraka ŭ Tamašuvie Mazavieckim. Jany byli znojdzienyja ŭ zapłambavanaj fury, jakaja pryjechała ź Biełarusi. Mihrantaŭ zaŭvažyli tolki padčas razhruzki.
Paviedamlajecca, što fura pryjechała ŭ Polšču ź Litvy, dzie da hetaha pierasiekła biełaruska-litoŭskuju miažu.
Kiroŭcu zatrymali. Pa infarmacyi palicyi, fura vyjechała ź Biełarusi 24 listapada. Na płombie nie było śladoŭ uzłomu. Kiroŭca zajaviŭ, što nie viedaje, jak u paŭpryčepie apynulisia mihranty. Zatrymanych raźmiaścili ŭ centry dla mihrantaŭ.
Na minułym tydni mihrantaŭ znajšli ŭ zapłambavanaj fury na biełaruska-litoŭskaj miažy. U MUS Litvy tady zajavili, što mohuć zakryć punkty propusku na miažy ź Biełaruśsiu, kali i dalej buduć sproby pieravozki zamiežnikaŭ u hruzavikach.
Kamientary